گەرمانيا قىلمىستىق پوليتسياسىنىڭ قازاقستان رەسپۋبليكاسىنىڭ فرانكفۋرتتاعى باس كونسۋلدىعىنا بەرگەن اقپاراتىنا سايكەس, 16 ماۋسىمدا بەنسحايم قالاسىنىڭ ماڭىندا ايەلدىڭ ءمايىتى تابىلدى.
- كريميناليستەر سوت-مەديتسينالىق ساراپتاما جۇرگىزۋدە. ءوز كەزەگىندە, پوليتسيانىڭ اۋىزشا الدىن الا بەرگەن اقپاراتىنا سايكەس, سىرتقى بەلگىلەرى بويىنشا ءمايىت قر ازاماتى ايگۇل سايلىباەۆا دەپ تانىلدى. قازىرگى ۋاقىتتا مارقۇمنىڭ تۋىستارى گەرمانيادا جانە ولارعا بارلىق قاجەتتى كونسۋلدىق-قۇقىقتىق كومەك كورسەتىلىپ جاتىر, - دەدى ءسىم-ءنىڭ ءباسپاسوز قىزمەتى.
گفر قۇقىق قورعاۋ ورگاندارى ءتيىستى تەرگەۋ شارالارىن جۇرگىزىپ جاتىر. بۇل ءىس تۋرالى وزگە اقپارات تەرگەۋ مۇددەلەرى ءۇشىن جاريالانبايدى.
