فوتو: astana-akshamy.kz
ۆەدومستۆونىڭ مالىمەتىنشە, تۇنگى رەيستەر سانى بۇگىننەن باستاپ كوبەيەدى.
«اۋە تاسىمالداۋشىلارىنىڭ سۇرانىسى نەگىزىندە اۋەجايدى باسقارۋشى كومپانيانىڭ تەحنيكالىق ماماندارىنىڭ جوبالىق توبى اەرودرومداعى جوندەۋ پروتسەسىن وڭتايلاندىردى. جازدا اۋە تاسىمالىنا ماۋسىمدىق سۇرانىستىڭ جوعارى بولۋىنا بايلانىستى جولاۋشىلارعا ىڭعايلى بولۋ ءۇشىن اۋەجايدىڭ جۇمىس ءتارتىبى 14 ماۋسىمنان باستاپ كۇندەلىكتى تەحنولوگيالىق ۇزىلىسپەن (23:00-دەن 00:30-عا دەيىن) ۇزارتىلدى», دەلىنگەن ءباسپاسوز قىزمەتىنىڭ حابارلاماسىندا.
جۇمىستاردى جۇرگىزۋ كەزىندە اۋەجاي ۇشۋ-قونۋ جولاعىنىڭ جۇمىسقا قابىلەتتىلىگىن قامتاماسىز ەتەدى. بۇدان سوڭ اەرودروم جابىنىنىڭ باسقا ۋچاسكەلەرىندە جوندەۋ جۇمىستارى جالعاسادى. ىشكى رەيستەر كەستەسى تەز ارادا قايتا قارالىپ, تانىمال باعىتتارعا قوسىمشا رەيستەر قامتاماسىز ەتىلەدى.
