1969 جىلى تۋعان ناۋقاستىڭ وسىدان وتىز جىل بۇرىن, ياعني 1994 جىلى جامباس موينى سىنىپ, وعان ۋاقىتىندا حيرۋرگيالىق كومەك كورسەتىلمەگەندىكتەن, وڭ اياعى 10 سانتيمەترگە دەيىن قىسقارىپ قانا قويماي, جىلدار بويى جانىنا باتىپ, جاعدايى ناشارلاي تۇسكەن. ەسكى جاراقات سوزىلمالى دەرتكە اينالىپ, ءجۇرىپ-تۇرۋىن دا قيىنداتا بەرگەن.
جاقىندا الماتىلىق تراۆماتولوگتەر 55-تەگى ناۋقاستىڭ اياعىن 10 سم ۇزارتىپ بەردى. كۇردەلى وپەراتسيا كەزىندە داۋلەت چۋكمانوۆ ناۋقاسقا جامباس بۋىنىنىڭ جالپى ەندوپروتەزىن ورناتۋعا قول جەتكىزدى. 1,5 ساعاتقا سوزىلعان حيرۋرگيالىق ارالاسۋدىڭ ارقاسىندا تراۆماتولوگتەر اياقتىڭ قالىپتى ۇزىندىعىن عانا ەمەس, بۋىن قىزمەتىن دە قالپىنا كەلتىردى.
ەندوپروتەزدەۋ – ماماننىڭ ماشىعى مەن شەبەرلىگىن قاجەت ەتەتىن كۇردەلى جانە جوعارى تەحنولوگيالىق پروتسەدۋرا.
«وپەراتسيا ءساتتى ءوتتى, ناۋقاس وزىنە كەلە باستادى. اياقتىڭ ۇزارۋى مەن ەندوپروتەز ورناتۋ ناۋقاستىڭ جامباس سۇيەكتەرىنىڭ يكەمدىلىگىن, دەنساۋلىعىن ەداۋىر جاقسارتىپ, قالىپتى فيزيكالىق بەلسەندىلىككە ورالۋعا, سوزىلمالى اۋىرسىنۋدان ارىلۋعا مۇمكىندىك بەردى», دەيدى داۋلەت چۋكمانوۆ.
الماتى
