بۇل اكتسيا ەلدى مەكەندەر اۋماعىن قوقىستان تازارتۋعا باعىتتالعان. الدىن الا وڭىردەگى ەلدى مەكەندەردىڭ ماڭىندا لاستانعان اۋماقتاردىڭ كارتاسى جاسالعان ەدى. مىنە, وسى جەرلەر ەندى پارتيا مۇشەلەرىنىڭ, قاراپايىم بەلسەندىلەردىڭ, مەملەكەتتىك جانە ۇكىمەتتىك ەمەس ۇيىم وكىلدەرىنىڭ ەرەكشە نازارىنا الىندى. ءار ۋچاسكەگە پارتيانىڭ باستاۋىش پارتيا ۇيىمدارى مەن اۋداندىق فيليالدارى بەكىتىلدى. وسىلايشا, قوقىس قاپتاعان اۋماقتار جۇيەلى تۇردە تازارتىلىپ, باقىلاۋعا الىناتىن بولدى. سونداي-اق بۇل جەرلەرگە قوقىس جاشىگىن ورناتۋ, اۋماقتى كوگالداندىرۋ, جول مەن تروتۋاردى جوندەۋ سياقتى ماسەلەلەر قولعا الىندى. ينفراقۇرىلىمدى اباتتاندىرۋ, اۋماقتى دامىتۋ كۇن تارتىبىنە قويىلاتىن بولدى.
قازىر وڭىردە ءار اپتانىڭ بەيسەنبىسى تازالىق كۇنى رەتىندە بەكىتىلدى. بۇل اكتسيا حالىقتىڭ ەكولوگيالىق مادەنيەتىن كوتەرىپ, جاڭاشا كوزقاراس قالىپتاستىرۋعا مۇمكىندىك بەرىپ وتىر.
وسىنداي ۇلگىلى جۇمىستىڭ ءبىر پاراسى جاقىندا شىڭعىرلاۋ اۋدانىندا ءوتتى. «Amanat» پارتياسى شىڭعىرلاۋ اۋداندىق فيليالىنىڭ اتقارۋشى حاتشىسى ازامات تاعانيازوۆ, اۋداندىق ارداگەرلەر كەڭەسىنىڭ توراعاسى, پارتيا ارداگەرى سابىر ساميەۆ, ءماسليحات دەپۋتاتتارى, زيالى قاۋىم وكىلدەرى, ارداگەرلەر كەڭەسىنىڭ مۇشەلەرى, پارتيا قىزمەتكەرلەرى, اۋداندىق «جاستار رۋحى» قوزعالىسىنىڭ بەلسەندىلەرى, باستاۋىش پارتيا ۇيىمدارى مەن باق وكىلدەرى قاتىسقان سەنبىلىك كەزىندە شىڭعىرلاۋ اۋداندىق ساياباعى قوقىستان تازارىپ, جاڭارىپ قالدى. اكتسيانى ۇيىمداستىرۋشىلاردىڭ ايتۋىنشا, ساياباقتان 20 تونناعا جۋىق قوقىس شىعارىلعان.
باتىس قازاقستان وبلىسى
