قازاقستان • 11 ماۋسىم, 2024

قازاقستان-وزبەكستان شەكاراسىندا كەپتەلىس پايدا بولدى

133 رەت
كورسەتىلدى
1 مين
وقۋ ءۇشىن

ۇلتتىق قاۋىپسىزدىك كوميتەتىنىڭ شەكارا قىزمەتى وزبەكستانمەن شەكاراداعى كەي وتكىزۋ بەكەتتەرىندە جوندەۋ, جولدى كەڭەيتۋ جۇمىستارى جۇرگىزىلىپ جاتقانىن حابارلادى. وسىعان بايلانىستى شەكارادا كولىك كەپتەلەسى پايدا بولدى, دەپ جازادى Egemen.kz.

قازاقستان-وزبەكستان شەكاراسىندا كەپتەلىس پايدا بولدى

فوتو: Almaty.tv

«جىبەك جولى» وتكىزۋ پۋنكتىنە ىرگەلەس اۋماقتاعى «گيشت كۋپريك» باقىلاۋ-وتكىزۋ بەكەتىندە قۇرىلىس جانە جول توسەمىن كەڭەيتۋ جۇمىستارى جۇرگىزىلىپ جاتىر. سونداي-اق قازاقستانداعى «تاجەن», «اتامەكەن» جانە «قازىعۇرت» شەكارا وتكەلدەرىندە قايتا جاڭارتۋ جۇمىستارى جۇرگىزىلىپ جاتىر. ال «قاپلانبەك» باقىلاۋ وتكىزۋ پۋنكتى جوندەۋ ماقساتىندا جابىلدى.

«مەملەكەتتىك شەكارا ارقىلى باسقا وتكىزۋ پۋنكتتەرى شاتتىق رەجيمدە جۇمىس ىستەپ تۇر. ءوز مارشرۋتتارىڭىزدى الدىن الا جوسپارلاۋدى سۇرايمىز», دەلىنگەن ۇقك ءباسپاسوز قىزمەتى تاراتقان حابارلامادا.

سوڭعى جاڭالىقتار