فوتو: azh.kz
ونەركاسىپ جانە قۇرىلىس ءمينيسترى قانات شارلاپاەۆتىڭ ايتۋىنشا, قازاقستاندا سۋ تاسقىنى سالدارىنان 18 005 جىلجىمايتىن م ۇلىك ب ۇلىنگەن. ونىڭ 17 295-ءىنىڭ زەرتتەۋ ناتيجەسى دايىن.
ء«بىر اپتا ىشىندە رەسىمدەلگەن قورىتىندىلاردىڭ ءوسىمى 1 375-ءتى قۇرادى. 2 245 نىسان قۇرىلىسى, جىلجىمايتىن م ۇلىك نارىعىندا 5 235 ءۇي مەن پاتەر ساتىپ الۋ, 9 819 تۇرعىن ءۇيدى جوندەۋ جوسپارلانعان», دەيدى مينيستر.
ونەركاسىپ جانە قۇرىلىس ءمينيسترى قانات شارلاپاەۆ مالىمدەگەندەي, تج سالدارىنان باسپاناسىنان ايىرىلعان ازاماتتارعا تۇرعىن ءۇي بەرۋ قاعيدالارىنا تۇزەتۋلەر ەنگىزىلۋىنە بايلانىستى بقو-دا تۇرعىن ءۇي سانى 4 042-دەن 6 061-گە دەيىن ءوستى.
«بۇگىنگى تاڭدا ەلىمىزدە 1 828 ءۇيدىڭ قۇرىلىسى باستالدى, بۇل 81%-دى قۇراپ وتىر. بۇل رەتتە بقو مەن اقمولا وبلىسىندا تومەن قارقىن مەن جۇمىلدىرۋ ورىن الدى. اقتوبە وبلىسى مەن بقو-دا 2 122 ءۇي ءالى سۋ استىندا قالىپ وتىر. تەحنيكالىق تەكسەرۋ قورىتىندىلارىنىڭ جوقتىعىنا قاراماستان, مەنشىك يەلەرى ءۇشىن تۇرعىن ءۇي سالۋ جانە ساتىپ الۋ شارالارى قابىلدانىپ جاتىر», دەدى ۆەدومستۆو باسشىسى.
ونىڭ ايتۋىنشا, جىلجىمايتىن مۇلكى جارامسىز دەپ تانىلعاندار ءۇشىن 1 943 نىسان ساتىپ الىندى. بۇگىنگى تاڭدا 1 772 ءۇيدىڭ يەسى تولەمدەرىن العان. احۋالدىق ورتالىق جانە ەڭبەك رەسۋرستارىن دامىتۋ ورتالىعى بارلىق كەزەڭدەردە EGOV جانە «الەۋمەتتىك كومەك» ااج ارقىلى ازاماتتاردان وتىنىشتەردى قابىلداۋ جانە وڭدەۋ پروتسەسىن باقىلايدى. تسيفرلاندىرۋ ەسەبىنەن ىسكە اسىرۋ كەزەڭدەرى بويىنشا مونيتورينگى قامتاماسىز ەتىلدى. ءار وڭىردە جاپپاي قۇرىلىس الاڭدارىندا تاۋلىك بويى ونلاين قولجەتىمدىلىگى بار 52 كامەرا ورنالاستىرىلعان. الداعى اپتادا اقتوبە وبلىسىندا قوسىمشا 6 كامەرا قوسىلادى.
