اتالعان پلاتفورمانىڭ اۋديتورياسى وراسان, بۇكىل الەم بويىنشا جارتى ميللياردتان اساتىن قولدانۋشىلارىنا فيلمدەر, سەريالدار عانا ەمەس, وزگە دە تۇپنۇسقا كونتەنتتىڭ كەڭ اۋقىمىن ۇسىنا الادى ءارى وتە تانىمال. پلاتفورمانىڭ اقىلى جازىلۋشىلارىنىڭ ءوزى شامامەن 270 ميلليونعا جەتىپ جىعىلاتىن بولسا, الەمدىك ويىن-ساۋىق يندۋسترياسىنداعى ەڭ ىقپالدى كومپانيالاردىڭ ءبىرى ءوزىنىڭ reality travel show ءۇشىن الماتىنىڭ ادەمى تاۋلارى مەن قىرعىزدىڭ تابيعاتىن تاڭداعان.
جالپى, جاز ماۋسىمىندا الماتىعا كەلىمدى-كەتىمدى مەيمان كوبەيە تۇسەتىنى بەلگىلى. ءتۋريزمدى دامىتۋ ماقساتىندا مەگاپوليستە ەنگىزىلىپ جاتقان جاڭالىق از ەمەس.
ماسەلەن, ەندىگى جەردە شاھاردىڭ تۋريستىك نىساندارىنا قىدىرعان كەزدە قالتاڭىزداعى قارجىنى 63%-عا دەيىن ۇنەمدەۋگە مۇمكىندىك بەرەتىن – Almaty Pass بىرىڭعاي بيلەت ىسكە قوسىلدى. ءاربىر تۋريستىك نىسانعا جەكە-جەكە ساياحاتتاعاننان گورى, Almaty Pass بيلەتى الدەقايدا ءتيىمدى. مىسالى, بىرىڭعاي بيلەتتىڭ قۇنى 9 990 تەڭگەدەن باستالسا, وعان بولەك-بولەك ەكسكۋرسياعا بارعاندا 27 300 تەڭگە جۇمسالاتىن نىساندار كىرەدى.
قىسقاسى, Almaty Pass جۇيەسىنە – «كوكتوبە» اسپالى جولى, «كوكتوبە» ساياباعىنداعى اينالما جول جانە جىلدام ءتۇسۋ (Fast Coaster), MEGA Alma-Ata سوو اۋماعىنداعى Happy Eye شولۋ دوڭگەلەگى, الماتى حايۋاناتتار باعى, ءا.قاستەەۆ اتىنداعى ونەر مۋزەيى, «مەدەۋ-شىمبۇلاق» باعىتىنداعى Shymbulak اسپالى جولى, بوتانيكالىق باق پەن قالانى ارالاتاتىن Nur Bus اۆتوبۋس تۋرى كىرەدى.
قالا قوناقتارى بىرىڭعاي بيلەتتى almaty.citypass.kz رەسمي ۆەب-سايتىنان ساتىپ العان كەزدە, وسى سايتتا نەمەسە ءموبيلدى قوسىمشادا QR كودى بار ۆاۋچەر پايدا بولادى. QR كود قىزمەت پاكەتىنە بايلانىستى نىسانعا ءبىرىنشى كەلگەن ساتتەن باستاپ 24 نەمەسە 72 ساعات ىشىندە جارامدى.
الماتى
