فوتو: قورعانىس مينيسترلىگى
جاڭاتالاپ شاعىن اۋدانىن قالامەن بايلانىستىرىپ تۇرعان كوپىر جارامسىز بولىپ, حالىق تىعىز قونىستانعان الاپتىڭ التى مىڭنان استام تۇرعىنى ءۇشىن شىمكەنتپەن بايلانىس ءۇزىلىپ قالعان بولاتىن.
ۋاقىتشا كوپىردى ورناتۋ ءۇشىن اسكەري ينجەنەرلەر كراز-255ب كولىگىنىڭ نەگىزىندە تمم-3 كوپىر توسەگىشىن قولداندى.
قازىرگى ۋاقىتتا كوپىر ارقىلى قوزعالىس قالپىنا كەلتىرىلدى. ونىڭ ۇزىندىعى 10,5 مەتر, 60 توننا جۇكتى كوتەرۋگە جارامدى.
– قالالىق تجد-دان بادام وزەنى ارقىلى ۋاقىتشا وتكەل جاساپ بەرۋ تۋرالى سۇرانىس تۇسكەننەن كەيىن 15 ينجەنەردەن تۇراتىن بىرىككەن جاساق جىبەرىلدى. كەشكە قاراي ولار جەڭىل كولىكتەر مەن جاياۋ جۇرگىنشىلەردىڭ قوزعالىسىنا قولايلى مەتالل كوپىردى ورناتۋدى اياقتادى, – دەدى 35748 اسكەري ءبولىمىنىڭ ينجەنەرلىك قىزمەت باستىعى مايور ەرىك رايىموۆ.
تمم-3 ۇزىندىعى 40 مەترگە دەيىن جانە تەرەڭدىگى 3 مەترگە دەيىنگى كەدەرگىلەردەن وتەتىن كوپىر وتكەلدەرىن ورناتۋعا جارامدى. ولار سالماعى 60 تونناعا دەيىنگى دوڭگەلەكتى جانە شىنجىر تاباندى تەحنيكانى كوتەرە الادى.
