فوتو: gov.kz
ءىس-شاراعا قازاقستان, رەسەي فەدەراتسياسى, وزبەكستان عىلىمي-زەرتتەۋ ينستيتۋتتارىنىڭ بەلگىلى عالىمدارى, سونداي-اق جەرگىلىكتى اتقارۋشى ورگانداردىڭ وكىلدەرى, مەملەكەتتىك بوتانيكالىق باقتاردىڭ باسشىلارى, جەتەكشى لاندشافت ساۋلەتشىلەرى جانە تاعى باسقالار قاتىستى.
كۇن تارتىبىنە سايكەس دوڭگەلەك ۇستەلگە قاتىسۋشىلار ەلىمىزدىڭ قالالارى مەن ەلدى مەكەندەرىندەگى كوگالداندىرۋدىڭ قازىرگى جاي-كۇيىن باعالاپ, جاسىل جەلەكتەردى تۇگەندەۋ جانە تسيفرلاندىرۋ ماسەلەلەرىمەن تانىستى.
ء«بىز مۇندا وزەكتى ماسەلەلەردىڭ ءبىرى – ەلدى مەكەندەردە ساپالى جاسىل جەلەكتەردى قۇرۋ بويىنشا كۇش-جىگەر مەن ءبىلىمدى بىرىكتىرۋ ءۇشىن جينالدىق. ەكولوگيا جانە تابيعي رەسۋرستار مينيسترلىگى بۇل ماسەلەگە ۇلكەن ءمان بەرىپ, وسى ماسەلەنى شەشۋگە باعىتتالعان عىلىمي زەرتتەۋلەر مەن پراكتيكالىق جوبالاردى قولداۋعا دايىن», دەپ اتاپ ءوتتى مينيستر ءوزىنىڭ قۇتتىقتاۋ سوزىندە.
سونداي-اق قازىرگى ۋاقىتتا جوسپارلاۋ قۇرىلىمىنىڭ بارلىق ەلەمەنتتەرىن تەڭگەرىمدى جانە ءوزارا بايلانىستى دامىتا وتىرىپ, كوگالداندىرۋ جانە جايلى تىرشىلىك ورتاسىن قۇرۋ ءۇشىن وسىمدىكتەردى تاڭداۋدىڭ عىلىمي نەگىزدەلگەن تاسىلىنە نەگىزدەلگەن تۇبەگەيلى جاڭا ادىستەمەلەردە قالالىق كوگالداندىرۋدى ۇيىمداستىرۋ پرينتسيپتەرىن قايتا قاراۋدىڭ شۇعىل قاجەتتىلىگى تۋىنداعانى اتاپ ءوتىلدى.
ءىس-شارا قورىتىندىسى بويىنشا قاتىسۋشىلار قالالىق كوگالداندىرۋ ماسەلەلەرىن شەشۋدە, وسىمدىكتەردىڭ اسسورتيمەنتىن تاڭداۋدا, ولاردى باقىلاۋ مەن كۇتۋدە عىلىمي ءتاسىل بويىنشا ۇسىنىستار ازىرلەدى.
