فوتو: olympic.kz
«ەكى كۇن بۇرىن تۇركيادان ورالدىق. جىگىتتەر جاتتىعۋ جاسادى ءارى دەمالىپ ۇلگەردى. جاتتىعۋ جاسادىق, فۋتبول, ۆولەيبول وينادىق, تەڭىزگە شومىلدىق. الداعى ۋاقىتتا ماسشتابتى جۇمىس كۇتىپ تۇر. ارنايى وقۋ-جاتتىعۋ جيىنى وتەدى», دەيدى باس باپكەر.
ول سونىمەن قاتار پاريجدەگى وليمپياداعا قاتىستى جوسپاردى ايتتى.
«بوكسشىلاردىڭ ءارقايسىسىنىڭ وليمپياداعا قاتىسۋعا ەڭبەگى سىڭگەن. بوكستا ءار ءتۇرلى جاعدايلار كەزدەسەدى. جەرەبەگە دە كوپ نارسە بايلانىستى. ءبىزدىڭ تاپسىرما, كەمى ءبىر التىن, ءبىر كۇمىس, ءبىر قولا مەدال الۋ. نەگىزى مۇمكىندىك بولسا, ودان دا جوعارى ناتيجە كورسەتۋ. ءاربىر بوكسشىنىڭ جۇلدە الاتىن قابىلەتى بار», دەدى مىرزاعالي ايتجانوۆ.
پاريج وليمپياداسىنا ەرلەر قۇراماسىنان مىنا بوكسشىلار قاتىسادى: Cاكەن بيبوسىنوۆ (51 كەلى), ماحمۇد سابىرحان (57 كەلى), مۇحامەدسابىر بازارباي ۇلى (63,5 كەلى), اسلانبەك شىمبەرگەنوۆ (71 كەلى), نۇربەك ورالباي (80 كگ), ايبەك ورالباي (92 كەلى) جانە قامشىبەك قوڭقاباەۆ (+92 كەلى).
