جىل سايىن ماۋسىمنىڭ ءبىرىنشى جەكسەنبىسىندە اتاپ وتىلەتىن يۋنەسكو تاراپىنان جاريالانعان دۇنيەجۇزىلىك تاڭعى اس كۇنىنە ورايلاستىرىلعان «تۇرىك تاڭعى اسى» اتتى ءىس-شاراعا تۇركيانىڭ استاناداعى توتەنشە جانە وكىلەتتى ەلشىسى مۇستافا كاپۋدجۋ مەن ونىڭ جۇبايى احۋ كاپۋدجۋ دا قاتىستى.
ءىس-شارا اياسىندا ءداستۇرلى تۇرىك تاڭعى اسىمەن قاتار تۇركيانىڭ ريزە پروۆينتسياسىنان ارنايى اكەلىنگەن تۇرىك شايى دا ۇسىنىلدى. «لازيكا» شاي كومپانياسىنىڭ ساتۋ جونىندەگى ۇيلەستىرۋشىسى سەراي سارى تۇرىك شايىنىڭ تاريحى مەن دايىندالۋ تاسىلدەرىنە ارنالعان پرەزەنتاتسيا ۇسىندى.
ءوز كەزەگىندە ءسوز العان ەلشى مۇستافا كاپۋدجۋ دۇنيەجۇزىلىك «تاڭعى اس كۇنى» العاش رەت تۇركيانىڭ ۆان ايماعىندا اتاپ وتىلە باستاعانىن ايتىپ, سونداي-اق تاڭعى استىڭ مادەني ماڭىزدىلىعىن اتاپ ءوتۋ ارەكەتى قازىر جاھاندىق ءىس-شاراعا اينالعانىن جەتكىزدى. ونىڭ ايتۋىنشا, تۇرىك مادەنيەتىندە تاڭعى اس ەرەكشە ورىن الادى. ياعني تۇرىك تاڭعى اس ءجاي عانا تاماقتانۋ عانا ەمەس, بۇل وتباسىلار مەن دوستاردى بىرىكتىرەتىن قۇندى ءداستۇر.
