فوتو: dknews.kz
«اقپان ايىندا قارىز الۋدان ەرىكتى تۇردە باس تارتۋ تۋرالى زاڭ نورماسى كۇشىنە ەندى. قازىرگى تاڭدا قازاقستاننىڭ 385 مىڭ ازاماتى نەسيە الۋدان باس تارتۋدىڭ وسى ەرىكتى قۇقىعىن پايدالانىپ ۇلگەردى. بۇدان باسقا نەسيەلەۋ كەزىندە تاۋەكەلدەردى ازايتۋ تۋرالى زاڭ اياسىندا ءبىز قارجى ۇيىمدارىنىڭ قوسىمشا جاۋاپكەرشىلىگىن قاراستىردىق. ەگەر ولار وسى ۋاقىتقا دەيىن نەسيە الۋدان ءوز ەركىمەن باس تارتقان ادامدارعا نەسيە بەرسە, وندا بانكتەر مەن ميكروقارجى ۇيىمدارى بۇل نەسيەلەردى ەسەپتەن شىعارۋى ءتيىس», دەدى ولجاس قيزاتوۆ ورتالىق كوممۋنيكاتسيالار قىزمەتىندە وتكەن بريفينگتە.
قارجى نارىعىن رەتتەۋ جانە دامىتۋ اگەنتتىگى توراعاسىنىڭ ورىنباسارى وسى جىلدىڭ ءبىرىنشى توقسانىندا بەرىلگەن شاعىن نەسيەلەردىڭ جالپى سوماسى 525 ملرد تەڭگەنى قۇراعانىن ايتتى.
«شامامەن 4,5 ملن شارت. وتكەن جىلدىڭ ءتورتىنشى توقسانىمەن سالىستىرعاندا 2,5 پايىزعا تومەندەۋ بايقالادى. نەسيەنىڭ كولەمى مەن سانى بويىنشا دا شامالى تومەندەۋ بار», دەپ قوستى ولجاس قيزاتوۆ.
قىرمىزى جۇماعاليقىزى,
ەۇۋ ستۋدەنتى
