استانادا قۇربان شالاتىن ورىندار انىقتالدى

بيىل 17-19 ماۋسىم ارالىعىندا تويلاناتىن مۇسىلمانداردىڭ قۇربان ايت مەرەكەسى قارساڭىندا ەلوردا بازارلارىندا قۇرباندىق شالاتىن ورىندارداعى سانيتارلىق تالاپتاردىڭ ساقتالۋى تەكسەرىلدى.

قۇرباندىق شالاتىن ورىندار:

• «شانحاي» بازارى;
• «باراكات» بازارى (كوشەسى ا-369, 10);
• «جايلاۋ» بازارى (س-754 كوشەسى, 1 كورپۋس);
• «شولپان-اتا» بازارى (الاش تاس جولى, 27/2);
• جەلەزنودوروجنىي تۇرعىن الابى (اقجار ك-ءسى, 20).

اۋىل شارۋاشىلىعى جانۋارلارىنىڭ يەلەرى, ساتۋشىلار جانە سويۋ ورىندارىنىڭ يەلەرى اۋىل شارۋاشىلىعى مينيسترلىگىنىڭ 2015 جىلعى 27 ساۋىردەگى №7-1/370 بۇيرىعىمەن بەكىتىلگەن ۆەتەريناريالىق-سانيتاريالىق تالاپتاردى ساقتاۋعا مىندەتتى. وسىلايشا, اۋىل شارۋاشىلىعى جانۋارلارىن سويۋ ەرەجەگە سايكەس بەرىلگەن تىركەۋ نومىرلەرى بار سويۋ پۋنكتتەرىندە, ەت كومبيناتتارىندا نەمەسە سويۋ ۋچاسكەلەرىندە جۇرگىزىلۋى ءتيىس.

«بۇگىن ءبىز مال سويۋ ورىندارىنىڭ يەلەرىمەن ۆەتەرينارلىق-سانيتارلىق تالاپتاردىڭ ساقتالۋىن تالقىلاۋ ماقساتىندا جيىن وتكىزدىك. 2 ساناتتى رۇقساتى جوق جەرلەردە مال سويۋعا تىيىم سالىنادى», دەدى مەملەكەتتىك ۆەتەريناريالىق-سانيتاريالىق ينسپەكتورى, باس مامان مەليس قاينۇلداەۆ.

قىرمىزى جۇماعاليقىزى,

ەۇۋ ستۋدەنتى