اقساقالدار كەڭەسىنىڭ توراعاسى نۇرمۇرات ەرمانوۆ قارالىپ وتىرعان ماسەلەنىڭ ماڭىزىنا توقتالىپ, ءوز-وزىنە قول جۇمساۋ جونىنەن قىزىلوردا ەلىمىزدە 6-ورىندا تۇرعانىن اتاپ ءوتتى. جىل باسىنان بەرى كامەلەتكە تولماعاندار اراسىندا وسىنداي 5 وقيعا بولعان. ءتۇرلى سەبەپ تۇرتكى بولىپ, جانىن قياتىن جاسوسپىرىمدەر تۋرالى وبلىستىق ءبىلىم باسقارماسى باسشىسىنىڭ ورىنباسارى باعدات بەرداۋلەتوۆ تە ايتتى.
ء«ار وقيعانى جۇمىسشى توپ زەرتتەپ, تالداۋ ناتيجەسىندە 4 جاعداي پسيحولوگيالىق, 1 جاعداي الەۋمەتتىك ماسەلەدەن تۋىنداعانى بەلگىلى بولدى. پسيحولوگيالىق قولداۋ توبىنا الىنعان 346 بالاعا مەكتەپ پسيحولوگىمەن قاتار دەنساۋلىق ساقتاۋ سالاسىنىڭ ماماندارى دا كومەك كورسەتەدى», دەدى.
كۇن تارتىبىندەگى ماسەلەگە قاتىستى پىكىر بىلدىرگەن جەرگىلىكتى پوليتسيا قىزمەتكەرى ەركەبۇلان جانۇزاقوۆ تا جاسوسپىرىمدەر اراسىندا ءوز-وزىنە قول جۇمساۋ فاكتىلەرى تىيىلماي كەلە جاتقانىنا توقتالدى.
«جىل سايىن ءسۋيتسيدتىڭ الدىن الۋ ماقساتىندا پروفيلاكتيكالىق ءىس-شارالار ۇيىمداستىرىلىپ كەلەدى. جاستار مەن جاسوسپىرىمدەر اراسىنداعى سۋيتسيد سەبەپتەرىن ىزدەۋ جاقىن تۋىستارى مەن اتا-انالارى ءۇشىن جەڭىل تيمەيدى. بيىل 5 جاعدايعا بايلانىستى قىلمىستىق كودەكستىڭ 5-بابىمەن سوتقا دەيىنگى تەرگەپ-تەكسەرۋ جۇرگىزىلدى. وزىنە قول جۇمساپ, قايتىس بولعانداردىڭ تورتەۋى ورتا مەكتەپتىڭ وقۋشىلارى, بىرەۋى – كوللەدج ستۋدەنتى», دەدى پوليتسەي.
وبلىستىق دەنساۋلىق ساقتاۋ باسقارماسىنىڭ ءبولىم باسشىسى ميرا مىرزاحانوۆانىڭ ايتۋىنشا, وتكەن جىلى وسىنداي 8 وقيعا بولىپتى. وسى باعىتتا پوليتسيا دەپارتامەنتىمەن بىرىككەن ءموبيلدى توپ سۋيتسيدكە بارعان ازاماتتارمەن جاس ەرەكشەلىگىنە قاراماي تىعىز جۇمىس ىستەيدى.
«ولاردىڭ كوبى – وتباسىلىق, دەنساۋلىق جاعدايلارىنا بايلانىستى ءوز-وزىنە قول جۇمساۋعا ارەكەت جاساعاندار. بۇل تۇرعىدا باسقارما تاراپىنان ارنايى ماماندار پسيحولوگيالىق جاعىنان قولداۋ كورسەتىپ كەلەدى. وبلىستىق جاستار دەنساۋلىق ورتالىعىنداعى جەدەل جەلى تەلەفونى تاۋلىك بويى جۇمىس ىستەيدى. ورتالىق ءبىرىنشى توقساندا 15 298 قىزمەت كورسەتىپ, ەمدەۋ-ساۋىقتىرۋ, كەڭەس بەرۋ بولىمىنە 5442 ادام كەلدى», دەدى ول.
وتىرىستا اقساقالدار كەڭەسىنىڭ مۇشەلەرى بايانداماشىلارعا سۇراق قويىپ, ءوز ۇسىنىستارىن ورتاعا سالدى.
قىزىلوردا
