فوتو: Inbusiness.kz
ۇلتتىق بانك (ۇب) اقپاراتىنا قاراساق, ۇلتتىق قوردان ساتۋ ۇلەسى جالپى ساۋدا-ساتتىق كولەمىنىڭ 16%-ى جانە كۇنىنە 40 ملن دوللاردان اسپايتىن مولشەردە بولدى.
«ۇلتتىق بانك ۇلتتىق قوردىڭ قاراجاتىمەن وپەراتسيا جۇرگىزۋ كەزىندە نارىقتاعى بەيتاراپ قاعيداتىن ساقتايدى. بۇل شەتەل ۆاليۋتاسىن بىركەلكى قالىپتا ساتۋدى بىلدىرەدى», دەلىنگەن مالىمدەمەدە.
ۇب وتكەن ايدا بجزق زەينەتاقى اكتيۆتەرىنىڭ ۆاليۋتالىق ۇلەسىن 30% دەڭگەيىندە ۇستاپ تۇرۋ ماقساتىندا بيرجالىق ساۋدا-ساتتىقتا شەتەل ۆاليۋتاسىن ساتىپ الۋدى جالعاستىرعان. ونىڭ جالپى سوماسى 500 ملن دوللار نەمەسە نارىقتىڭ جالپى كولەمىنىڭ شامامەن 10%-ىن قۇرادى.
سونىمەن بىرگە ۇب مامىردا ۆاليۋتالىق ينتەرۆەنتسيالار جۇرگىزگەن جوق.
رەسپۋبليكالىق بيۋدجەتكە ترانسفەرت بولۋگە ۇكىمەتتىڭ الدىن الا بولجامدى وتىنىمدەرى بويىنشا 2024 جىلعى ماۋسىمدا ۇب ۇلتتىق قوردان 350 ملن دوللاردان 450 ملن دوللارعا دەيىنگى مولشەردە ۆاليۋتا ساتىلۋىن كۇتەدى.
باس بانكتىڭ باعامداۋىنشا, قىسقامەرزىمدى پەرسپەكتيۆادا تەڭگە ديناميكاسى نارىققا قاتىسۋشىلاردىڭ كۇتۋلەرىنە, توقساندىق سالىق تولەمدەرىنە, الەمدىك نارىقتارداعى احۋالعا جانە گەوساياسي جاعدايدىڭ وزگەرۋىنە بايلانىستى قالىپتاسادى.
