اۋدان ورتالىقتارىنا حالىقارالىق, رەسپۋبليكالىق جانە وبلىستىق سايىستار جەڭىمپازدارىنىڭ, جاستار وكىلدەرى مەن ۆولونتەرلەردىڭ شەرۋى ەرەكشە ءسان بەردى. بايقوڭىر قالاسىنىڭ ورتالىعىندا جالپىحالىقتىق پاتريوتتىق اكتسيالار ءوتتى.
بارلىق ەلدى مەكەندە رامىزدەر اللەيالارى مەن الاڭداردا تۇرعىنداردىڭ, جاستار مەن ۆولونتەرلەردىڭ قاتىسۋىمەن سەنبىلىكتەر ءوتىپ, سۋرەت جانە شىعارماشىلىق بايقاۋلارى كوپ نازارىن وزىنە اۋداردى.
جەر-جەردە ەل تاريحىنا قاتىستى كورمەلەر قويىلىپ, «ادال ادام» مادەني-تاربيە ورتالىقتارىندا وتكەن پاتريوتتىق ءىس-شارالارعا قاتىسقاندار كوپ بولدى.
حالىقارالىق, رەسپۋبليكالىق جارىستاردا جۇلدە العان جەرگىلىكتى سپورتشىلار, تانىمال ونەر ادامدارى جازعى تىنىعۋ لاگەرلەرىندەگى وقۋشىلارعا بەينەقۇتتىقتاۋ ارقىلى تىلەكتەرىن جەتكىزدى.
ال وبلىس ورتالىعىنداعى رامىزدەر الاڭىندا «ەلدىكتىڭ نىشانى, ەرلىكتىڭ بەلگىسى – رامىزدەر» اتتى ءىس-شارا ءوتىپ, وندا «ياپۋراي» حور ۇجىمى مەن قىزىلوردا پەداگوگيكالىق جوعارى كوللەدجىنىڭ ستۋدەنتتەرى مەملەكەتتىك گيمندى ورىندادى. سالتاناتتى ءىس-شارادا وبلىس اكىمىنىڭ ءبىرىنشى ورىنباسارى دانيار جانالينوۆ جينالعانداردى مەرەكەمەن قۇتتىقتاپ, مەملەكەتتىك قىزمەتكە جاڭا تاعايىندالعان ماماندار انت بەردى.
ءىس-شارا سوڭىندا قالا كوشەلەرىمەن اۆتوكولىكتەر شەرۋى ءجۇرىپ ءوتتى.
قىزىلوردا
