فوتو: ۆيدەودان الىنعان كادر
الماتى قالالىق ءىىد مالىمەتىنشە, ۇستالعان كۇدىكتى 1997 جىلعى ماۋسىمدا نوۆوسىبىردە جەرلەسىن ۇرلاپ, ولتىرۋگە قاتىسقان. ۇرلانعان ادامدى بوساتۋ ءۇشىن تۋىستارىنان 100 مىڭ دوللار اقشا بوپسالاعانى بەلگىلى بولدى.
شابۋىل جاساۋشىلاردىڭ بۇل اۋىر قىلمىستى توپتاسىپ, الدىن الا ءسوز بايلاسۋ ارقىلى جاساعانى انىقتالدى.
«تەرگەۋ بارىسىندا قىلمىسقا قاتىسۋشىلار ۇستالىپ, ولارعا ءارتۇرلى جازا تاعايىندالدى. سوت ورگاندارىنان قاشىپ كەتكەن ولاردىڭ بىرىنە قاتىستى سىرتتاي قاماۋعا الۋ تۇرىندەگى بۇلتارتپاۋ شاراسى, سونداي-اق مەملەكەتارالىق جانە حالىقارالىق ىزدەۋ جاريالاندى», دەدى الماتى قالالىق پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى قۋاتبەك ناۋاتوۆ.
ىزدەۋدە جۇرگەن ازامات جالعان دەرەكتەرمەن بەلگيادا جاسىرىنىپ جۇرگەنى انىقتالدى. كۇدىكتى الماتى قالالىق پروكۋراتۋراسىنىڭ كەلىسۋىمەن جانە ينتەرپولدىڭ كومەگىمەن ۇستالىپ, الماتىعا جونەلتىلدى.
قازىر ول ۋاقىتشا ۇستاۋ يزولياتورىندا وتىر.
قىرمىزى جۇماعاليقىزى,
ەۇۋ ستۋدەنتى
