فوتو: akorda.kz
«بىلتىر قازاقستان مەن رەسەيدىڭ ساۋدا كولەمى 26 ميلليارد دوللارعا جەتتى. ال قىرعىزستانمەن اراداعى ساۋدا اينالىمى 1 ميلليارد 571 ميلليون دوللاردى, تاجىكستانمەن 1 ميلليارد 130 ميلليون دوللاردى, بەلارۋسپەن 912 ميلليون دوللاردى قۇرادى», دەدى پرەزيدەنت.
جيىن سوڭىندا قاسىم-جومارت توقاەۆ ۇقشۇ پارلامەنتتىك اسسامبلەيا كەڭەسىنىڭ وتىرىسى ۇيىمعا مۇشە ءار ەلدىڭ مۇددەسىن ەسكەرە وتىرىپ, مەملەكەتتەردىڭ ۇلتتىق زاڭنامالارىن ىلگەرىلەتۋگە جانە ءوزارا ۇيلەستىرۋگە ەلەۋلى ۇلەس قوساتىنىن اتاپ ءوتتى. سونداي-اق كەڭەس قابىلدايتىن قۇجاتتار ۇقشۇ-نى ودان ءارى دامىتۋعا سەپتىگىن تيگىزەتىنىنە سەنىم ءبىلدىردى.
كەزدەسۋ بارىسىندا ۇقشۇ پارلامەنتتىك اسسامبلەياسىنىڭ توراعاسى – رەسەي مەملەكەتتىك دۋماسىنىڭ توراعاسى ۆياچەسلاۆ ۆولودين, بەلارۋس رەسپۋبليكاسى ۇلتتىق جينالىسى وكىلدەرى پالاتاسىنىڭ توراعاسى يگور سەرگەەنكو, تاجىكستان رەسپۋبليكاسىنىڭ مادجليسي ولي مادجليسي ميللي توراعاسى رۋستامي ەمومالي سوز سويلەدى.
