فوتو: استانا قالاسى اكىمدىگى
استانا اكىمدىگىنىڭ رەسمي سايتى ءمالىم ەتكەندەي, اتالعان تاريحي جەڭىسكە ايكوركەم باتيحان 50 مەتر قاشىقتىقتا ديامەترى 50 سم بولاتىن پۋتا نىساناسى بويىنشا قول جەتكىزدى.
بيىل الەمنىڭ 20 ەلىنەن كەلگەن 300-گە جۋىق سپورتشى قاتىسقان اتالعان حالىقارالىق تۋرنير – تۇركيادا 12 جىل قاتارىنان ۇزبەي ءوتىپ كەلەدى. قازاقستان سپورتشىلارى وعان 2017 جىلدان بەرى قاتىسقانىمەن, بۇعان دەيىن جەڭىسكە جەتپەگەن ەكەن.
«فينالدا ايكوركەم باتيحان تۇركيانىڭ ەڭ ۇزدىك ساداقشىسىمەن كەزدەسىپ, ونى 5:4 ەسەبىمەن جەڭدى. ايكوركەمنىڭ جەڭىسى – بۇكىل كوماندامىز ءۇشىن ۇلكەن جەتىستىك», دەدى ءداستۇرلى ساداق اتۋدان قازاقستان ۇلتتىق قۇراماسىنىڭ باس باپكەرى دياس احمەتوۆ.
19 جاستاعى ايكوركەم باتيحاننىڭ ءداستۇرلى ساداق اتۋمەن شۇعىلدانىپ جۇرگەنىنە 1,5 جىل عانا بولعان.
