باس پروكۋرور ازاماتتاردى جەكە قابىلدادى

استانا. 15 قاڭتار. باس پروكۋرور اسحات داۋىلباەۆ كەزەكتى رەت ازاماتتاردى جەكە قابىلدادى. ارىز بەرۋشىلەردىڭ وتىنىشتەرى نەگىزىنەن قىلمىستىق جانە اكىمشىلىك ىستەر بويىنشا سوت اكتىلەرىنە, قىلمىستىق ءىس جۇرگىزۋدىڭ سوتقا دەيىنگى ساتىسىنداعى ۋاكىلەتتى ورگانداردىڭ شەشىمدەرىنە, سونداي-اق الەۋمەتتىك-ەكونوميكالىق سالاداعى شاعىمدارعا قاتىستى بولدى. بۇل تۋرالى باس پروكۋراتۋرانىڭ ءباسپاسوز قىزمەتى حابارلادى. باس پروكۋرور كەلگەن ازاماتتاردى تىڭداعان سوڭ, شاعىمداردى مۇقيات زەردەلەپ, زاڭ بۇزۋشىلىق انىقتالعان جاعدايدا بۇزىلعان قۇقىقتاردى قالپىنا كەلتىرۋ جانە كىنالى تۇلعالاردى زاڭمەن بەلگىلەنگەن جاۋاپكەرشىلىككە تارتۋ بويىنشا تۇبەگەيلى شارالار قابىلداۋدى تاپسىردى. اسحات داۋىلباەۆتىڭ وسىعان دەيىنگى قابىلداۋىندا بولعان ارىزدانۋشىلاردىڭ دايەكتەرىن تەكسەرۋ ءۇشىن باس پروكۋراتۋرا قىلمىستىق قۋدالاۋ ورگاندارى قاۋلىلارىنىڭ كۇشىن جويىپ, سوتقا دەيىنگى تەرگەۋ قوزعادى. ۆ.ايتكوجينانىڭ ءوتىنىشىن قاراۋ ناتيجەسى بويىنشا وزىنشە بيلىك ەتۋ فاكتىسى بويىنشا قىلمىستىق ءىستى قوزعاۋدان باس تارتۋ تۋرالى قاۋلىنىڭ كۇشى جويىلدى, ءىس جۇرگىزۋشىلىك شەشىم قابىلدانا وتىرىپ سوتقا دەيىنگى تەرگەۋ تاعايىندالدى. الماتى قالاسىنىڭ پروكۋرورىنا تەرگەۋگە دەيىنگى تەكسەرىس جۇرگىزۋ كەزىندە زاڭدىلىقتىڭ بۇزىلۋىنا جول بەرگەن, سونداي-اق ءتيىستى قاداعالاۋدى قامتاماسىز ەتپەگەن كىنالى تۇلعالارعا قاتىستى شارالار قابىلداۋ تۋرالى تاپسىرما بەرىلدى. ك.امىرەنوۆتىڭ شاعىمى بويىنشا دەنەگە زاقىم كەلتىرۋ فاكتىسى بويىنشا قىلمىستىق ءىس قوزعاۋدان باس تارتۋ تۋرالى اقمولا وبلىسىنىڭ بۇلاندى اۋداندىق ءىىب شەشىمىنىڭ كۇشى جويىلدى, سوتقا دەيىنگى تەرگەۋ باستالدى. ارىزدانۋشى ج.بايمەنوۆتىڭ دايەكتەرىن زەردەلەۋ ناتيجەسىمەن الماتى گارنيزونى بويىنشا ۇقك اسكەري پوليتسيا باسقارماسىنىڭ لاۋازىمدى تۇلعالارىنا قاتىستى قىلمىستىق ءىستى قىسقارتۋ تۋرالى قاۋلىنىڭ كۇشى جويىلدى. سوتقا دەيىنگى تەرگەۋ جۇرگىزۋ ءۇشىن قىلمىستىق ءىس ءىىم تەرگەۋ كوميتەتىنىڭ اسكەري-تەرگەۋ باسقارماسىنا جولداندى. جولدىباي بازار. دەرەك, سۋرەت: باس پروكۋراتۋرانىڭ ءباسپاسوز قىزمەتى.