فوتو: mangystaumedia.kz
تەرگەۋ مالىمەتىنشە كۇدىكتىلەر مارقۇمنىڭ باسىن كەسىپ, كومىپ تاستاعان. وسى قىلمىستى جاسادى دەگەن ەكى كۇدىكتى ۇستالعان. ال قىلمىسقا قاتىسى بار ءۇشىنشى ادام ىزدەستىرىلىپ جاتىر. قولعا تۇسكەن كۇدىكتىنىڭ ءبىرى بۇرىنعى اسكەري قىزمەتكەر ەكەنى انىقتالىپ وتىر.
وقيعانى وبلىستىق پوليتسيا باسقارماسى راستاپ, تۇسىنىكتەمە بەردى.
«ادام ۇرلىعى مەن ءولتىرۋ دەرەكتەرى بويىنشا 2 كۇدىكتى ۋاقىتشا ۇستاۋ يزولياتورىنا قامالدى. ءۇشىنشى كۇدىكتىنى ۇستاۋ بويىنشا جەدەل-ىزدەستىرۋ شارالارى جۇرگىزىلۋدە. تەرگەۋ امالدارى جۇرگىزىلىپ جاتىر. وزگە اقپارات تەرگەۋ مۇددەسى ءۇشىن جاريا ەتىلمەيدى», دەدى وبلىستىق پوليتسيا دەپارتامەنتىنىڭ ءباسپاسوز حاتشىسى ايگەرىم يباتۋللاەۆا.
