فوتو: baq.kz
جيىننىڭ ماقساتى – اسكەرلەردى جان-جاقتى قامتاماسىز ەتۋگە باعىتتالعان باسقارۋ ۇدەرىستەرىنىڭ تيىمدىلىگى تاۋەلدى تىل قىزمەتكەرلەرىنىڭ كاسىبيلىك دەڭگەيىن ارتتىرۋ.
جيىندى باسقارعان اۋە قورعانىسى كۇشتەرى اۋە شابۋىلىنا قارسى قورعانىس اسكەرلەرى قولباسشىسىنىڭ تىل جونىندەگى ورىنباسارى, پولكوۆنيك اسىلحان تاۋباەۆ وسى سالا اسكەري قىزمەتشىلەرىنىڭ قاجەتتى ءبىلىم مەن داعدىلاردى مەڭگەرۋى ماڭىزدى دەپ اتاپ ءوتتى.
– اسكەردى تىلدىق قامتاماسىز ەتۋ ۇدەرىستەرىنىڭ ساپاسى اسكەري قىزمەتشىلەردىڭ جاۋىنگەرلىك قابىلەتتىلىگى مەن مورالدىق رۋحىنا تىكەلەي اسەر ەتەدى. بۇل ىستە قىزمەتتىڭ ەرەكشەلىگىن تەرەڭ ءبىلۋ جانە جۇيەلى جۇمىس ىستەۋ ماڭىزدى, وعان مۇنداي جيىندار ىقپال ەتەدى, – دەپ اتاپ ءوتتى ا.تاۋباەۆ.
جيىن باعدارلاماسىنا دارىستەر, كورنەكى جانە نۇسقاۋلىق ساباقتار, وعان قوسا روتا شارۋاشىلىعىن جۇرگىزۋ بويىنشا پراكتيكالىق جاتتىعۋلار كىردى. قاتىسۋشىلار ازىق-ت ۇلىكتى, تەحنيكانى, قىزمەت مۇلكىن ساقتاۋ, ودان باسقا ساربازدار مەن كۋرسانتتاردى تەڭگەرىمدى جانە سالاۋاتتى تاعام مولشەرىمەن قامتاماسىز ەتۋ ماسەلەلەرىن تالقىلادى. اسكەري قىزمەتشىلەردىڭ تۇرمىستىق احۋالىن ۇيىمداستىرۋعا دا جان-جاقتى توقتالدى. ماماندار تاجىريبەلەرىمەن ءبولىسىپ, اسكەري بولىمدەردە تۇرمىس جاعدايىن جاقسارتۋدىڭ جانە تاماقتانۋدى ۇيىمداستىرۋدىڭ ءتيىمدى تاسىلدەرىن ۇسىندى.
جيىن بارىسىندا الىنعان ءبىلىم مەن داعدىلار بولىمشەلەرگە جۇكتەلگەن مىندەتتەردى ورىنداۋدىڭ جالپى تيىمدىلىگى مەن دايىندىعىن ارتتىرۋعا ىقپال ەتەتىن بولادى.
