اسكەري سامبو سايىسى

تاشكەنتتە 11 ەلدىڭ قاتىسۋىمەن اسكەري سامبودان ازيا چەمپيوناتى ءوتتى. بۇل باسەكەگە قازاقستان قۇراما كومانداسى دا سپورتشى­لارىن ۇكىلەپ اپارعان بولاتىن. قازاق ەلىنەن باسقا باق سىناعان رەسەي, يران, كاتار, تاجىكستان, كورەيا, موڭعوليا, نەپال, وزبەك­ستان, قىرعىزستان, تۇركىمەنستان ەلدەرى بولدى. قازاقستان ۇلتتىق قۇراما كو­مان­داسىن جارىسقا قۇرامانىڭ باس باپكەرى, رەسپۋبليكاعا ەڭبەك سىڭىرگەن جاتتىقتىرۋشى, حالىق­ارا­لىق دارەجەدەگى تورەشى, ەۋرازيا ۇلتتىق ۋنيۆەرسيتەتىنىڭ دەنە ءتار­بيەسى جانە سپورت كافەدرا­سىنىڭ دوتسەنتى حالىق قوجاحمەت اپاردى. مۇندا 8 سپورتشى باقتارىن سى­ناپ, سونىڭ التاۋى ەلىمىزدىڭ نامى­سىن اسقاقتاتتى. 57 كگ. سال­ماق دارەجەسىندە الماس داۋلەتوۆ فينالدا رەسەيدىڭ بالۋانى ەردەم افاناسەۆكە عانا ەسە جىبەرىپ, ەكىنشى ورىندى ەنشىلەسە, 62 كگ. سالماقتا ايدوس بورىبەكوۆ رەسەي­لىك ۆيكتور دۋلمەەۆتەن ۇتىلىپ, ءۇشىنشى ورىندى قاناعات تۇتتى. 68 كگ. سالماق دارەجەسى بويىنشا سا­يىسقا تۇسكەن باۋىرجان قۇماروۆ رەسەيلىك داش-شيۆي ايبەكتى جەڭىپ, باس جۇلدەنى قانجىعاسىنا بايلادى. اۋىر سالماقتار بويىنشا 90 كگ. سالماق دارەجەسىندە گەورگي ەمەليانوۆ فينالدا وزبەكستاندىق اكرام ءشاريپوۆتى ايقىن باسىم­دىلىقپەن ۇتتى. 100 كگ. سالماق بويىنشا ەۇۋ-نىڭ ينجەنەرلىك فاكۋلتەتىنىڭ تۇلەگى مارات مۇستافين اقتىق باسەكەدە الاڭ يەسى زاريف راسۋلوۆقا جول بەرىپ, قولا جۇلدەنى قاناعات تۇتتى. وسى سالماقتا تاعى سىنعا تۇسكەن ەۇۋ سپورت كلۋبىنىڭ مۇشەسى دارحان قابىلدين فينالدا كاتارلىق ءالي مۇسانى ايقىن باسىمدىلىقپەن ۇتىپ, اياعىن اۋىرتىپ الۋى سەبەبى­نەن, دارىگەر شەشىمى ارقىلى جەڭىس وزبەكستاندىق ساماد رۋس­تاموۆقا بەرىلدى. ءسويتىپ, دارحان ەكىنشى ورىن­دى يەلەندى. سوم بىلەكتى, جاۋ جۇرەكتى ۇلانداردىڭ ەل ابىرويىن اسقاقتاتۋى سپورتقا دەگەن قول­داۋدىڭ شىن دالەلى! قۇرمانعازى جۇماعۇل ۇلى, ل.ن.گۋميلەۆ اتىنداعى ەۇۋ ستۋدەنتى.