اسقار مۇقيات وزبەكستاندىق بايقاۋدا اباي قۇنانباي ۇلىنىڭ ولەڭىنە جازىلعان سىدىق مۇحامەتجانوۆتىڭ "جارىق ەتپەس قارا كوڭىلىم نە قىلسا دا" ءانىن ورىنداعان.
- ەگەر اللا بويعا تالانت ءناسىپ ەتسە, ونى دامىتۋ, شىڭداۋ, ءدۇيىم جۇرتقا پاش ەتۋ پارىز دەپ بىلەمىن. وزبەكستان رەسپۋبليكاسىندا ءوتىپ جاتقان حالىقارالىق "OVOZ The Voice" جوباسىندا قازاقستان اتىنان باق سىناپ جاتىرمىن. بۇل جەردە وزبەكستان رەسپۋبليكاسىنىڭ حالىق ءارتىسى فاررۋح زاكيروۆ, مادەنيەت جانە تۋريزم ءمينيسترى وزادبەك نازاربەكوۆ, تانىمال ءانشى سەۆارا نازارحان, توحير سوديكوۆ سىندى ونەر مايتالماندارى باعا بەردى, - دەپ جازدى اسقار مۇقيات.
ءداستۇرلى ءانشى ورىنداۋى ءالى دە وزىنە ۇنامايتىنىن, الدا كوپ جۇمىس ىستەۋ كەرەك ەكەنىن اتاپ وتكەن. الايدا وزبەكستاندىق ادىلقازىلار اسقار مۇقياتتىڭ ورىنداۋ شەبەرلىگىنە ءتانتى بولدى.
"قازاقتاردا مۇنداي كەرەمەت داۋىس وتە كوپ. ءسىز – سونىڭ جارقىن ۇلگىسىسىز", "ماعان ءسىزدىڭ ءاندى جەتكىزگەنىڭىز ۇنادى. ءدال قازىر ءسىزدى باسقا قازاقستاندىق انشىلەرمەن سالىستىرا المايمىن. وسى ءان ارقىلى ەرەكشەلەنىپ تۇرسىز", "بۇل ءان سىزگە جاراسادى", - دەدى ادىلقازى مۇشەلەرى.
ارتىنشا ولار قازاق تىلىندەگى "قۇستار قايتىپ بارادى" ءانىن قوسىلا ورىندادى.
ال اسقار مۇقياتتىڭ تاڭداۋى وزادبەك نازاربەكوۆكە ءتۇستى. وسىلايشا وتانداسىمىز وزبەكستاندىق جوبادا ونەر كورسەتۋدى جالعاستىراتىن بولدى.
اسقار مۇقياتتىڭ ورىنداۋشىلىق شەبەرلىگىنە جەلى وقىرماندارى دا تاڭعالدى.
