فوتو: ا.بايجۇمانوۆ
سەناتتىڭ ءباسپاسوز قىزمەتى ءمالىم ەتكەندەي, كەزدەسۋدە تۋريستىك سالانى دامىتۋ, سپورت جانە دەنە شىنىقتىرۋ سالاسىنداعى مەملەكەتتىك جاستار ساياساتىن ىسكە اسىرۋ, سپورتشىلاردى الداعى وليمپيادا ويىندارىنا دايىنداۋ, سونداي-اق ويىن بيزنەسىنىڭ جارناماسى مەن ناسيحاتتاۋعا جاۋاپكەرشىلىكتى كۇشەيتۋ ماسەلەلەرىن تالقىلادى.
پارلامەنتشى ءتۋريزمدى دامىتۋعا سەنات دەپۋتاتتارى ەرەكشە نازار اۋدارىپ وتىرعانىن اتاپ ءوتتى. ەلىمىزدىڭ تاريحي باي مۇراسى, ۇلتتىق ەرەكشەلىگى, كورىكتى تابيعاتى شەتەلدىك تۋريستەردىڭ كوپتەپ كەلۋىن تارتۋعا سەرپىن بەرە الادى.
«پرەزيدەنت ءتۋريزمدى دامىتۋ ماسەلەسىنە ۇدايى نازار اۋدارىپ وتىرادى جانە سەرپىندى جوبالاردى ىسكە اسىرۋ قاجەتتىگىن اتاپ وتكەن ەدى. الايدا, اتالعان سالادا ءالى دە ەلەۋلى ناتيجەگە جەتە المادىق, سوندىقتان كەم دەگەندە 15 ءىرى جوبانىڭ ءتىزىمىن پىسىقتاۋ ماڭىزدى ەكەنى داۋسىز. ول ءۇشىن شەتەلدىك ينۆەستورلار مەن وتاندىق بيزنەستى دە تارتۋ قاجەت. سەناتورلار ەكونوميكانى نىعايتۋ مەن ەلىمىزدىڭ دامۋىنا وسى مىندەتتەردىڭ ماڭىزى زور دەپ سانايدى جانە ۇكىمەتتى وسى باعىتتا كەشەندى تۇردە جۇمىس جۇرگىزۋگە شاقىرادى. قاجەت بولعان جاعدايدا مەملەكەت باسشىسىنىڭ تاپسىرمالارىن ساپالى جانە ۋاقتىلى ورىنداۋعا باعىتتالعان اۋقىمدى شارالاردى كوزدەيتىن ءتيىستى قۇجاتتاردى ازىرلەۋ كەرەك. پارلامەنت وسى مىندەتتەردى ىسكە اسىرۋدا جان-جاقتى كومەك كورسەتۋگە دايىن», دەدى نۇرتورە ءجۇسىپ.
ەرمەك مارجىقپاەۆ ءوز كەزەگىندە مينيسترلىكتىڭ اعىمداعى قىزمەتى, سپورتشىلاردى حالىقارالىق جارىستارعا دايىنداۋ مەن تۋريزم, سپورت جانە ويىن بيزنەسى سالاسىنداعى زاڭنامانى جەتىلدىرۋ جۇمىستارى تۋرالى ايتتى.
