قوعام • 28 مامىر, 2024

ەلىمىزدىڭ سۋ قويمالارىنا 12 ملرد تەكشە مەتردەن استام تاسقىن سۋى جينالدى

114 رەت

كورسەتىلدى

1 مين

وقۋ ءۇشىن

بيىلعى سۋ تاسقىنى كەزىندە قازاقستاننىڭ سۋ قويمالارىنا 12 ملرد تەكشە مەتردەن استام سۋ جينالدى. جينالعان سۋ ەكونوميكا قاجەتتىلىكتەرى ءۇشىن پايدالانىلادى. بۇل تۋرالى سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتى حابارلادى, دەپ جازادى Egemen.kz.

ايانا توعانبەك

ەلىمىزدىڭ سۋ قويمالارىنا 12 ملرد تەكشە مەتردەن استام تاسقىن سۋى جينالدى

فوتو: Gov

«ەلىمىزدىڭ سۋ شارۋاشىلىعى قۇرىلىستارى سۋدى قاۋىپسىز وتكىزۋدى قامتاماسىز ەتتى جانە تاسقىن سۋىن سوڭعى جىلدارى قۇرعاۋعا اينالعان ساعالارعا, كولدەرگە جانە باسقا دا سۋ ايدىندارىنا جىبەرۋگە مۇمكىندىك بەردى», دەدى سۋ رەسۋرستارى جانە يرريگاتسيا ءمينيسترى.

سونداي-اق نۇرجان نۇرجىگىتوۆ مينيسترلىك ازىرلەگەن سۋ سالاسىن دامىتۋ تۇجىرىمداماسى تاسقىن سۋدى باسقارۋ بويىنشا وزىق ەلدەردىڭ تاجىريبەلەرى زەرتتەلە وتىرىپ, تولىقتىرىلاتىنىن ايتتى. بۇدان بولەك, تاسقىن سۋدى باسقارۋدى جانە قۇرعاقشىلىق سالدارىن ازايتۋدى كوزدەيتىن ۇزاق مەرزىمدى قۇجات ازىرلەنەتىن بولادى.

سونداي-اق ەلدىمەكەندەر ءۇشىن تاۋەكەلدەردى كورسەتەتىن تاسقىن سۋى قوزعالىسىنىڭ ەلەكتروندى كارتاسىن جانە سۋ مەن سۋ ينفراقۇرىلىمىنىڭ جاعدايى مەن مولشەرى تۋرالى اقپاراتتى قامتيتىن سۋ رەسۋرستارىن ەسەپكە الۋدىڭ, مونيتورينگىلەۋدىڭ جانە بولجاۋدىڭ بىرىڭعاي جۇيەسىن ازىرلەۋ جوسپارلانىپ وتىر.