ول بوگەت كوتەرۋ جۇمىستارى ءجۇرىپ جاتقان ايماقتارعا بارىپ, ازاماتتارعا تۇسكى جانە كەشكى اس دايىنداپ وتىرعان. بۇل تۋرالى وڭىرلىك كوممۋنيكاتسيالار قىزمەتى ءمالىم ەتتى. ول اتىراۋ قالاسىنداعى ەركىنقالا, دامبا, چەحوۆ, تالعايران شاعىن اۋداندارى مەن ماحامبەت اۋدانىنىڭ تالدىكول اۋىلىندا اسپازدىق ەتتى. ال بارلىق قاراجاتتى ءوز ەسەبىنەن شىعارىپ وتىرعان.
جالپى ب.قادىروۆتىڭ اسپاز بولىپ جۇرگەنىنە 15 جىلدان اسقان. قازىرگى تاڭدا ول فۋد-بلوگەرلىكپەن قوسا, مەيرامحانالاردا باس اسپاز بولىپ ەڭبەك ەتەدى.
ونىڭ ايتۋىنشا, مۇندا ول ءوز ەركىمەن, قيىن-قىستاۋ شاقتا جۇرتپەن بىرگە ءوز كومەگىن بەرۋگە كەلگەن.
ايتا كەتەيىك, باعدات قادىروۆ 2023 جىلى انتاليادا وتكەن الەمدىك اسپازدار سايىسىندا ەلىمىزدىڭ نامىسىن قورعاپ, 750 اسپازدىڭ ىشىنەن توپ جارىپ, جەڭىمپاز اتانعان.
