فوتو: رrimeminister.kz
ۆەدومستۆو مالىمەتىنشە, ونىڭ جۇمىسىنا قر پارلامەنتىنىڭ دەپۋتاتتارى, ورتالىق مەملەكەتتىك ورگانداردىڭ باسشىلارى, بەلگىلى قوعام قايراتكەرلەرى مەن عالىمدار قاتىستى.
كوميسسيا وتىرىسىندا مەملەكەتتىك ءتىلدى ودان ءارى دامىتۋ, ءتىل مادەنيەتىن ارتتىرۋعا جانە ەل ازاماتتارىنىڭ لينگۆيستيكالىق كاپيتالىن نىعايتۋعا باعىتتالعان ۇيلەسىمدى جانە تەڭگەرىمدى ءتىل ساياساتىن جۇزەگە اسىرۋ ماسەلەلەرى قارالدى.
جيىن بارىسىندا قازاقستان رەسپۋبليكاسىنىڭ عىلىم جانە جوعارى ءبىلىم ءمينيسترى ساياسات نۇربەك ءتىل ساياساتىن دامىتۋدىڭ 2023-2029 جىلدارعا ارنالعان تۇجىرىمداماسىن ىسكە اسىرۋ بارىسى تۋرالى باياندادى. سونداي-اق ول مەملەكەت باسشىسىنىڭ مەملەكەتتىك تىلدە جاساندى ينتەللەكت ەنگىزۋ, قازاق ءتىلىن عىلىم ءتىلى رەتىندە ناسيحاتتاۋ, زاماناۋي تىلدىك IT-جوبالاردى دامىتۋ جونىندەگى تاپسىرمالارىنىڭ ورىندالۋ بارىسى تۋرالى حاباردار ەتتى.
سونداي-اق جيىنعا قاتىسۋشىلار قر-نىڭ ادىلەت ءمينيسترى ازامات ەسقاراەۆتىڭ زاڭداردى مەملەكەتتىك تىلدە ازىرلەۋ تۋرالى جانە حالىقارالىق «قازاق ءتىلى» قوعامىنىڭ پرەزيدەنتى راۋان كەنجەحان ۇلىنىڭ قوعامدىق بىرلەستىكتىڭ قىزمەتى تۋرالى باياندامالارىن تىڭدادى.
وتىرىستىڭ قورىتىندىسى بويىنشا كوميسسيانىڭ 2024 جىلعا ارنالعان جۇمىس جوسپارى بەكىتىلدى. قر پرەمەر-ءمينيسترىنىڭ ورىنباسارى, كوميسسيا ءتورايىمى تامارا دۇيسەنوۆا مەملەكەتتىك ءتىل ساياساتىن ءتيىمدى جۇزەگە اسىرۋعا باعىتتالعان بىرقاتار تاپسىرما بەردى.
قىرمىزى جۇماعاليقىزى,
ەۇۋ ستۋدەنتى
