فوتو: قىزىلوردا وبلىسىنىڭ اكىمدىگى
ايماق باسشىسى قونىستوي يەلەرىن قۇتتىقتاپ, يگى تىلەگىن ارنادى.
«مەملەكەت باسشىسى قاسىم-جومارت كەمەل ۇلى ۇلتتىق قۇرىلتايدىڭ اتىراۋداعى وتىرىسىندا: «باسپانا – جۇرتتىڭ تۇرمىس ساپاسىن تانىتاتىن تاعى ءبىر ماڭىزدى كورسەتكىش», دەپ ەرەكشە توقتالعان ەدى. پرەزيدەنتىمىز حالىقتى تۇرعىن ۇيمەن قامتۋعا ايرىقشا ءمان بەرىپ, مەملەكەت شىن مۇقتاجعا جاردەم جاسايتىنىن ۇنەمى ايتىپ كەلەدى. وسىنداي قولداۋدىڭ ارقاسىندا كەيىنگى جىلدارى ەلىمىزدەگى تۇرعىن ءۇي قۇرىلىسىنىڭ قارقىنى تولاستاعان ەمەس. وتكەن جىلى ايماقتا 4 108 پاتەرلىك 300 تۇرعىن ءۇي سالىندى, 2400-گە جۋىق پاتەر تابىستالىپ, 11 مىڭنان استام تۇرعىن ءوز ۇيىنە قونىستاندى.
حالىقتىڭ جايلى ءومىر ءسۇرۋىنىڭ باستى العىشارتى – باسپانامەن قامتۋ جۇمىستارى بيىل دا جالعاسىن تاۋىپ جاتىر. بيۋدجەت قاراجاتى ەسەبىنەن 13,3 ملرد تەڭگەگە 1 269 پاتەرلىك 67 تۇرعىن ءۇيدىڭ قۇرىلىسى جۇرگىزىلەدى. ونىڭ ىشىندە 950-دەي پاتەر وبلىس ورتالىعىنا تيەسىلى. جىل باسىنان بەرى 462 وتباسى قونىس تويىن تويلادى. بۇگىن 150 وتباسى باسپانا باقىتىنا كەنەلىپ, جاڭا تۇرعىن ۇيلەردەگى ءار پاتەر قۋانىش پەن شاتتىققا, بالالاردىڭ كۇلكىسىنە تولادى. بۇل – الەۋمەتتىڭ ءال-اۋقاتىن ارتتىرۋداعى مەملەكەتتىك قولداۋدىڭ ناقتى كورىنىسى», دەدى ايماق باسشىسى.
راسىمدە ينديرا كەنجەتاەۆا قونىستوي يەلەرى اتىنان قۋانىشىن جەتكىزىپ, مەملەكەت جانە قوعام قايراتكەرى ناجمادين مۇساباەۆ اق باتاسىن بەردى. ءوڭىردىڭ الەۋمەتتىك-ەكونوميكالىق دامۋىنا ۇلەس قوسقان كەنت تۇرعىندارى مەن قۇرىلىستى ساپالى سالۋعا اتسالىسقان مەردىگەر مەكەمە قىزمەتكەرلەرى ماراپاتتالدى.
ايتا كەتەيىك, «امان قۇرىلىس», «ينتەگروستروي», «AەS and limited» كومپانيالارى سالعان كوپقاباتتى تۇرعىن ۇيلەردىڭ قۇرىلىسى وتكەن جىلى تامىز ايىندا باستالعان ەدى. جاڭا پاتەرلەر الەۋمەتتىك از قامتىلعان وتباسىلارعا, اتا-انا قامقورلىعىنسىز قالعان بالالالارعا تابىستالدى.
