فوتو: سەناتتىڭ ءباسپاسوز قىزمەتى
پالاتانىڭ الداعى وتىرىسىندا «ورگانيكالىق ءونىم ءوندىرىسى جانە اينالىمى تۋرالى» زاڭ جانە وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ورگانيكالىق ءونىم ءوندىرىسى جانە اينالىمى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە وزگەرىستەر مەن تولىقتىرۋلار ەنگىزۋ تۋرالى» التى زاڭ قارالادى. بۇل زاڭداردىڭ ەرەجەلەرى وتاندىق ازىق-ت ۇلىك وندىرۋشىلەردى ورگانيكالىق ءونىم وندىرۋگە ىنتالاندىرۋعا جانە ولاردىڭ سىرتقى نارىقتاعى باسەكەگە قابىلەتتىلىگىن ارتتىرۋعا باعىتتالعان.
سونىمەن قاتار وتىرىستا دەپۋتاتتار عىلىم سالاسىنىڭ ستراتەگيالىق, كاسىپتىك جانە الەۋمەتتىك ماسەلەلەرىن شەشۋگە, عىلىمي كادرلار دايارلاۋعا لايىقتى جاعداي جاساۋعا, سونداي-اق, عىلىمي قىزمەتكەردى الەۋمەتتىك قورعاۋ كەپىلدىكتەرىن ىسكە اسىرۋعا ارنالعان «عىلىم جانە تەحنولوگيالىق ساياسات تۋرالى» زاڭدى جانە وعان ىلەسپە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە عىلىم جانە تەحنولوگيالىق ساياسات, پلاتفورمالىق جۇمىسپەن قامتۋ جانە مەملەكەتتىك باقىلاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قر كودەكسىنە (سالىق كودەكسى) جانە «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» قر كودەكسىن (سالىق كودەكسى) قولدانىسقا ەنگىزۋ تۋرالى» قر زاڭىنا وزگەرىستەر مەن تولىقتىرۋلار ەنگىزۋ تۋرالى» زاڭداردى پىسىقتايدى.
ايتا كەتەيىك, بيۋرو وتىرىسىندا ماجىلىستەن كەلىپ تۇسكەن زاڭدار جۇمىس ءۇشىن تۇراقتى كوميتەتتەرگە ءبولىنىپ بەرىلدى.
قىرمىزى جۇماعاليقىزى,
ەۇۋ ستۋدەنتى
