فوتو:gov.kz
بجزق-نىڭ مىندەتتى زەينەتاقى جارنالارى (مزج), مىندەتتى كاسىپتىك زەينەتاقى جارنالارى (مكزج), ەرىكتى زەينەتاقى جارنالارى (ەزج) ەسەبىنەن قالىپتاستىرىلعان زەينەتاقى اكتيۆتەرىنەن ءتۇسىپ, سالىمشىلاردىڭ (الۋشىلاردىڭ) شوتتارىنا بولىنگەن كىرىستىلىك 2024 جىلدىڭ 4 ايىندا 2,87% كورسەتتى. 2024 جىلعى 1 مامىرداعى جاعداي بويىنشا جۇمىس بەرۋشىنىڭ مىندەتتى زەينەتاقى جارنالارى (جمزج) ەسەبىنەن قالىپتاسقان بجزق زەينەتاقى اكتيۆتەرىنىڭ كىرىستىلىگى - 1,76%.
«2024 جىلعى 1 مامىرداعى جاعداي بويىنشا سالىمشىلاردىڭ (الۋشىلاردىڭ) شوتتارىنا سوڭعى 12 ايدا بولىنگەن بجزق زەينەتاقى اكتيۆتەرىنىڭ كىرىستىلىگى ينفلياتسيا 8,70% مولشەرىندە بولعان كەزدە 9,83% بولدى», دەلىنگەن حابارلامادا.
ۇلتتىق بانك جانە ينۆەستيتسيالىق پورتفەلدى باسقارۋشىلار (يپب) زەينەتاقى اكتيۆتەرىن ينۆەستيتسيالىق كىرىس الۋ ماقساتىندا ەكونوميكانىڭ قازاقستانداعى جانە شەتەلدەگى ءتۇرلى سەكتورلارىنىڭ ءارتۇرلى قارجى قۇرالدارىنا ءارتۇرلى ۆاليۋتالاردا ورنالاستىرادى. ءارتاراپتاندىرۋ ورنىقتى ينۆەستيتسيالىق كىرىستىلىكتى قامتاماسىز ەتەدى.
«زەينەتاقى جيناقتارى - بۇل ۇزاق مەرزىمدى ينۆەستيتسيالار. سوندىقتان ينۆەستيتسيالىق كىرىستىڭ مولشەرىن كەم دەگەندە ءبىر جىلدا تالداعان ءجون. ماسەلەن, جيناقتاۋشى زەينەتاقى جۇيەسى
قۇرىلعان 1998 جىلدان باستاپ 2024 جىلعى 1 مامىرعا دەيىنگى ينۆەستيتسيالىق كىرىستىلىك وسپەلى
قورىتىندىمەن 842,74% كورسەتتى. بۇل كەزەڭدەگى ينفلياتسيا - 780,79%. وسىلايشا, ۇزاق مەرزىم
ىشىندە جيناقتالعان ينۆەستيتسيالىق كىرىس ينفلياتسيادان اسىپ ءتۇستى», دەلىنگەن حابارلامادا.
ەسكە سالا كەتەيىك, ەلىمىزدە ينفلياتسيا دەڭگەيىن ەسكەرە وتىرىپ, مىندەتتى زەينەتاقى جارنالارىنىڭ ساقتالۋىنا بىرەگەي كەپىلدىك قاراستىرىلعان. تولەمدەر قۇقىعى باستالعان كەزدە سالىمشىنىڭ جيناقتالعان كىرىستىلىگىنە اسەر ەتكەن جەكەلەگەن كەزەڭدە كىرىستىلىكتىڭ تومەندەۋى كەزىندە دە ايىرماشىلىقتى وتەۋگە مەملەكەت كەپىلدىك بەرەدى.
سونداي-اق بجزق زەينەتاقى اكتيۆتەرىن ينۆەستيتسيالىق باسقارۋ جانە ولار ورنالاستىرىلعان قارجى قۇرالدارى تۋرالى اقپارات قوردىڭ (www.enpf.kz) رەسمي سايتىنداعى «كورسەتكىشتەر/ينۆەستيتسيالىق قىزمەت» بولىمىندە جاريالانادى.
قىرمىزى جۇماعاليقىزى,
ەۇۋ ستۋدەنتى
