فوتو: rail-news.kz
«قازاقستان تەمىر جولى» اق ءباسپاسوز قىزمەتىنىڭ مالىمەتىنشە, «KTZ Express» اكتسيونەرلىك قوعامى Global DTC Pte Ltd. قىتايدان ەۋروپالىق وداق ەلدەرىنە قازاقستان بويىنشا تەمىرجول ارقىلى وتەتىن تاۋارلارعا ەلەكتروندى كەدەندىك رەسىمدەۋدى ەنگىزىپ جاتىر.
جوبانىڭ رەسمي تۇساۋكەسەرى 2024 جىلعى 23 مامىردا سينگاپۋردە قازاقستان رەسپۋبليكاسىنىڭ پرەزيدەنتى ق.ق.توقاەۆتىڭ قاتىسۋىمەن وتكەن قازاق - سينگاپۋر بيزنەس - فورۋمىندا ءوتتى.
«تاراپتار ترانسكاسپي حالىقارالىق كولىك باعدارىندا Tez Customs تسيفرلىق پلاتفورماسىنىڭ ءتيىمدى جۇمىسىن قامتاماسىز ەتۋ بويىنشا بىرلەسكەن ءىس-شارالار وتكىزۋدى جوسپارلاپ وتىر. بۇل پلاتفورما قىتايدان ورتالىق ازيا ەلدەرىنە تاۋارلاردى ەلەكتروندى كەدەندىك دەكلاراتسيالاۋ مۇمكىندىگىن بەرەدى», دەلىنگەن 24 مامىرداعى حابارلامادا.
ۇلتتىق كومپانيا سونداي-اق بىرلەسكەن باستاما كولىك لوگيستيكاسىن دامىتۋدىڭ, كەدەندىك رەسىمدەۋ پروتسەسىنە تسيفرلىق تەحنولوگيالاردى ەنگىزۋدىڭ جاڭا پەرسپەكتيۆالارىن اشاتىنىن, بۇل تاسىمالداۋدىڭ تيىمدىلىگى مەن اشىقتىعىن ارتتىرۋعا مۇمكىندىك بەرەتىنىن اتاپ ءوتتى.
التىناي ابدىش,
ەۇۋ ستۋدەنتى
