«سوڭعى قوڭىراۋ» كۇنى اۋا رايى قانداي بولادى؟

مەتەورولوگتاردىڭ مالىمەتىنشە, 25, 26 جانە 27 مامىردا قازاقستان تەرريتورياسىندا سولتۇستىك تسيكلون اسەرى بايقالادى. ياعني, اتالعان تسيكلون اسەرىنەن جاۋعان جاڭبىردىڭ سوڭى قارعا ۇلاسۋى ىقتيمال. سونداي-اق بۇرشاق جاۋىپ, جەل ەكپىندى سوعىپ, جاۋىن-شاشىن بولجانعان.

25-27 مامىر ارالىعىندا ەلدىڭ سولتۇستىگىندەگى وبلىستاردا, 25-26 مامىردا ورتالىق جانە وڭتۇستىك-شىعىس وبلىستاردا, 26 مامىردا شىعىستا قاتتى جاۋىن-شاشىن (جاڭبىر, قار), رەسپۋبليكانىڭ سولتۇستىك-باتىس وبلىستارىندا نوسەر جاڭبىر كۇتىلەدى.

دەمەك رەسپۋبليكانىڭ جوعارىدا اتالعان اۋماعىندا 25 مامىر «سوڭعى قوڭىراۋ» كۇنى قولايسىز اۋا رايى بولجانىپ وتىر.

ال سكانديناۆيا ايماقتارىنان كەلەتىن اۋقىمدى انتيتسيكلون رەسپۋبليكانىڭ باتىسىندا اشىق اۋا رايىنىڭ ساقتالۋىنا ىقپال ەتەدى.

«الدا كەلە جاتقان سۋىق اۋا ماسسالارى 25 مامىردا باتىستا, سولتۇستىك-باتىستا, سولتۇستىكتە, 26 مامىردا ورتالىقتا, 27 مامىردا شىعىستا, وڭتۇستىك-شىعىستا, 26-27 مامىردا تۇندە جانە تاڭەرتەڭ 3 گرادۋسقا دەيىن اياز بولادى. سۋىق اۋا ماسساسى قازاقستاننىڭ وڭتۇستىگىندەگى تاۋلى ايماقتاردا سەزىلەدى», دەلىنگەن «قازگيدرومەت» رمك حابارلاماسىندا.