ورمانشىلار قۋراعان اعاشتاردى كەسىپ, ورتتەن قورعاۋ جولاقتارىن ورناتىپ, كوگالداندىرۋ جۇمىستارىن جۇرگىزدى. بۇل كۇنى اقتوبە ورمان جانە جانۋارلار دۇنيەسىن قورعاۋ مەكەمەسىنىڭ ماماندارىمەن بىرگە «جاسىل ەل» جاساعىنىڭ 60-تان اسا مۇشەسى دە «زارەچنىي-3» تۇرعىنجاي اۋماعىندا تازالىق جۇمىسىن جۇرگىزدى.
«اقتوبە ورمان جانە جانۋارلار دۇنيەسىن قورعاۋ مەكەمەسى» كمم ديرەكتورى امانگەلدى التىنباەۆتىڭ ايتۋىنشا, وسى مەكەمەنىڭ 130 قىزمەتكەرى اقتوبە ورمان شارۋاشىلىعى مەكەمەسىنە قاراستى اۋماقتى تازالادى. بۇل – 22 مىڭ گەكتار اۋماق, ونى ءبىر كۇندە رەتكە كەلتىرۋ وڭاي ەمەس. مەكەمە قىزمەتكەرلەرى كۇنى بويى توعاي اراسىنان 60 مىڭ توننا قوقىس شىعاردى. اسىرەسە ەلدى مەكەندەرگە جاقىن توعايلاردىڭ ءىشى لاس. «زارەچنىي-1, 2, 3», «اقجار» ەلدى مەكەندەرىنىڭ تۇرعىندارى تۇرمىستىق قالدىقتار مەن قوقىستارىن اعاش اراسىنا تاستاۋ ادەتىن قويار ەمەس. بۇل – شىلدەنىڭ شىلىڭگىر ىستىعىندا ورمان ءورتىنىڭ تۇتانۋىنا باستى سەبەپشى. ادامدارىمىز توعاي اراسىن بۇلدىرمەۋ مادەنيەتىن ۇيرەنۋى كەرەك دەيدى ورمانشىلار. ويتكەنى 22 مىڭ گەكتار توعاي ءىشىن ۇنەمى قاداعالاپ, جۇرتتىڭ ارتىن جيناپ وتىرۋ وڭاي ەمەس. ونىڭ ۇستىنە ورمانشىنىڭ نەگىزگى مىندەتى – قوقىس شىعارۋ ەمەس, توعاي ءىشىن قۋراعان اعاشتاردان ارىلتىپ, كوشەت ەگۋ جانە ولاردى كۇتىپ-باپتاۋ, ورمان ورتىنەن قورعاۋ.
اقتوبە وبلىسىندا مەملەكەتتىك ورمان قورىنىڭ جالپى اۋماعى 217,8 مىڭ گەكتاردى قۇراسا, ونىڭ ىشىندە ورمانمەن كومكەرىلگەنى – 51,8 مىڭ گا. وڭىردە ورمان كولەمى وتە از. قاتاڭ كليماتتىق بەلدەۋدە ورنالاسقاندىقتان, بۇل جاقتا سۋىققا ءتوزىمدى اعاشتار مەن بۇتالار جاقسى وسەدى. ال كوكتەمدە نە كۇزدە ەگىلگەن جاس كوشەتتەر تامىرى بەكىپ كەتكەنشە جاقسى كۇتىمدى قاجەت ەتەدى ءارى جاز مەزگىلىندە ولاردى كوپ سۋارۋ قاجەت.
اقتوبە وبلىسى
