فوتو: polisia.kz
قازىعۇرت اۋداندىق پوليتسيا ءبولىمىنىڭ قىزمەتكەرلەرى تۇنگى ساعات 00:30 شاماسىندا اۋىل كوشەلەرىنىڭ بىرىنەن مەملەكەتتىك نومەرسىز, كورتەج ۇيىمداستىرعان كولىكتەردى توقتاتتى.
جۇك كولىگى بار قۇقىق بۇزۋشىلاردىڭ توي كورتەجىن ۇيىمداستىرىپ, كەلىن اكەلە جاتقانى بەلگىلى بولدى.
ءتارتىپ ساقشىلارى جول ەرەجەسىن ورەسكەل بۇزعان كولىكتەردى بىردەن توقتاتىپ, ايىپتۇراققا جەتكىزدى.
ونىڭ ىشىندە Volvo FH جۇك كولىگىنىڭ جۇرگىزۋشىسىنە قاتىستى 5 حاتتاما تولتىرىلدى. ول اۆاريالىق جاعداي تۋعىزىپ, باعدارشامنىڭ تىيىم سالىنعان سيگنالىنا توقتاماعان ءارى مەملەكەتتىك تىركەۋ ءنومىرىنسىز جولعا شىققان. سونىمەن قاتار جولدىڭ ءجۇرۋ بولىگىندەگى تاڭبالاردا كورسەتىلگەن تالاپتاردى ساقتاماعانى, ءتيىستى رۇقساتسىز قايتا جابدىقتالعان كولىكتى باسقارعان.
اتالعان فاكتىلەر بويىنشا Lada 21144 كولىگىنىڭ جۇرگىزۋشىسىنە ءۇش, ال Lada Granta FL جۇرگىزۋشىسىنە ەكى اكىمشىلىك حاتتاما تولتىرىلدى.
قۇقىق بۇزۋشىلار كىنالارىن مويىندادى.
