فوتو: senate.parlam.kz
سەناتوردىڭ ايتۋىنشا, ەلوردادا 2021 جىلدان باستاپ كوپبالالى جانە جالعىزباستى انالارعا, مۇگەدەك بالالاردى تاربيەلەپ وتىرعان انالارعا جاردەمدەسەتىن «باقىتتى وتباسى» ورتالىعى جۇمىس ىستەيدى. اتالعان ورتالىق ءتۇرلى كاسىپ بويىنشا 20-دان استام ءبىلىم بەرۋ كۋرسىن ۇيىمداستىرىپ, 2,5 مىڭ ايەل ءبىلىم العان جانە ولاردىڭ 80%-ى ءوز ءىسىن اشقان.
ورتالىق ايەلدەردى رۋحاني, مورالدىق تۇرعىدان قولداپ, كاسىپ ۇيرەتەدى ءارى حالقىمىزدىڭ ەتنوگرافيالىق مۇراسىن جاڭعىرتىپ, جاس ۇرپاققا ءتالىم بەرەتىن تاپتىرماس مادەني مەكتەپتىڭ قىزمەتىن اتقارىپ وتىر.
«اتالعان ۇلگىدەگى ورتالىقتاردى وڭىرلەردە, اسىرەسە, وبلىس ورتالىقتارىنان كوپتەپ اشۋعا قالاي قارايسىز؟ ۇكىمەت تاراپىنان ارنايى گرانتتىق كومەك بەرۋگە مۇمكىندىكتەرىڭىز بار ما؟ وسى ۇلگىدەگى ورتالىقتاردىڭ ونىمدەرىن نارىققا شىعارۋعا, قورعانىس, مەديتسينا, مادەنيەت سالالارى بويىنشا جۇيەلى تاپسىرىستار ارقىلى قالىپتاستىرۋعا مۇمكىندىك بولا ما؟», دەپ سۇرادى نۇرتورە ءجۇسىپ.
