اتالعان ەكسپوزيتسيا ب.ز.د. ءىى عاسىردان ب.ز.د. XVI عاسىرعا دەيىنگى كەزەڭدى قامتيدى. قويىلعان مۇرالار جىبەك جولى بويىنداعى قالا قۇرىلىسى, ءدىني نانىمدار, ساۋدا جانە بەينەلەۋ ونەرىنە ارنالعان.
ايتا كەتەيىك, كورمە 2014 جىلى قازاقستان, قىتاي جانە قىرعىزستان بىرلەسىپ, چانان – تيان-شان دالىزىندەگى ۇلى جىبەك جولىنىڭ يۋنەسكو مادەني مۇرا تىزىمىنە ەنگىزىلگەنىن ەسكە الۋ ماقساتىندا ۇيىمداستىرىلىپ وتىر.
سونىمەن قاتار ءىس-شارا بارىسىندا «تسين جانە حان وركەنيەتى» حالىقارالىق سيمپوزيۋمى ءوتتى, وندا ۇلتتىق مۋزەيدىڭ قازاقستان تاريحى ءبولىمىنىڭ باسشىسى اينۇر اقجاساروۆا « ۇلى جىبەك جولى مۇراسى» تاقىرىبىندا بايانداما جاسادى.
كورمە 18 تامىزعا دەيىن جالعاسادى.
