سايىستىڭ ءى كەزەڭى «Aqyl Battle» ءموبيلدى قوسىمشاسىندا وتەدى. بۇگىندە بۇل ءموبيلدى قوسىمشا جاسوسپىرىمدەر مەن جاستار اراسىندا قازاق تىلىندە وقۋ باعدارلاماسىن مەڭگەرۋ قۇرالىنا اينالىپ ۇلگەردى. وندا ازاماتتاردىڭ ويلاۋ ءورىسىن كەڭەيتۋ ماقساتىندا قازاقتىڭ سالت-ءداستۇرى مەن ادەبيەتى, تاريحى ناسيحاتتالادى. وعان قوسا جاس بۋىننىڭ بوس ۋاقىتىن ءتيىمدى وتكىزۋگە باعىتتالعان.
– «Aqyl Battle CUP-2024» – قازاقستاننىڭ مادەنيەتى مەن تىلىنە تەرەڭىرەك ءۇڭىلۋدىڭ جاڭا ءستيلى. مۇنداي زياتكەرلىك ويىندار رۋحاني قۇندىلىقتار مەن ءپاتريوتيزمنىڭ قالىپتاسۋىنا ىقپال ەتەدى. جوباعا قاتىسۋشىلار تەك جەڭىس ءۇشىن عانا ەمەس, جاڭا ءبىلىم ءۇشىن دە سايىسقا تۇسەدى. «Aqyl Battle» ءموبيلدى قوسىمشاسىندا 35-تەن استام سانات بويىنشا 12 مىڭنان استام سۇراق بار. 14-35 جاس ارالىعىنداعى جاستارعا ارنالعان زياتكەرلىك كوماندالىق ويىننىڭ العاشقى ىرىكتەۋى وسى ءموبيلدى قوسىمشادا ونلاين وتەدى. كەلەسى كەزەڭگە, ءار ايماقتان ءتيىستى ۇپاي جيناعان 30 قاتىسۋشى (جالپى 600 جاس) جولداما الادى. ەكىنشى كەزەڭ توتەنشە جاعداي بولعان ايماقتاردا ونلاين, ال باسقا ايماقتاردا وفلاين quiz فورماتىندا ۇيىمداستىرىلىپ, رەسپۋبليكا بويىنشا جەڭىمپاز 20 كوماندا گراند-فينالعا جولداما الادى, – دەدى «بولاشاق قازاقستانعا» قق توراعاسى ءبيبىنۇر شەرباەۆا.
جوبانىڭ شەشۋى كەزەڭى ەلوردادا ۇيىمداستىرىلماقشى. سايىس بارىسىندا جوبانىڭ تانىمالدىلىعىن ارتتىرۋ ماقساتىندا كوماندالار اراسىندا «كرەاتيۆتى كوماندا» سايىسى دا قوسىلادى. جالپى, جۇلدە قورى 3 600 000 تەڭگەنى قۇرايدى.
