فوتو: azattyq-ruhy.kz
ءىىم رەسمي وكىلى شىڭعىس الەكەشەۆتىڭ ايتۋىنشا, بىلتىر «سوڭعى قوڭىراۋدىڭ» رەسمي بولىگىنەن كەيىن مەكتەپ تۇلەكتەرى ءىس-شارالاردى ءوز بەتىنشە جالعاستىرعان. ماسەلەن, جامبىل, اتىراۋ وبلىستارى مەن الماتى قالاسىنىڭ مەكتەپ بىتىرۋشىلەرى كولىك تىزگىندەپ, توتەنشە جاعدايعا تاپ بولعان.
«ودان بولەك, بالالار تىيىم سالىنعان جەرلەردە سۋعا ءتۇسىپ جاتادى. بىلتىر اقمولا, ماڭعىستاۋ جانە اتىراۋ وبلىستارىنداعى سۋ ايدىندارىنىڭ شومىلۋعا جابدىقتالماعان جەرلەرىندە جاسوسپىرىمدەردىڭ سۋعا كەتۋ جاعدايلارى تىركەلدى. وسىنى ەسكەرە وتىرىپ, اتا-انالار مەن تۇلەكتەردى مىنەز-ق ۇلىقتىڭ قاجەتتى نورمالارى مەن ەرەجەلەرىن ساقتاۋعا شاقىرامىز», دەدى ىىم رەسمي وكىلى شىڭعىس الەكەشەۆ.
ايتا كەتەيىك, سالتاناتتى ءىس-شارالار بارىسىندا پوليتسيا ورگاندارى قوعامدىق ءتارتىپ پەن جول قاۋىپسىزدىگىن قامتاماسىز ەتۋ بويىنشا بارلىق شارالاردى قابىلدايدى. سونداي-اق پاترۋلدىك ناريادتار ءىس-شارالار وتكىزىلەتىن ورىندارعا بارىنشا جاقىن بولادى.
