فوتو: يرنا اگەنتتىگى
ىزدەۋ-قۇتقارۋ جاساعى يران پرەزيدەنتى يبراحيم ءرايسيدىڭ اپاتتى جاعدايدا قونعان تىكۇشاعىن تاپتى. بۇل تۋرالى يران قىزىل جارتى اي قوعامىنىڭ باسشىسى حوسەين كوليۆاند حابارلاعان.
ەسكە سالايىق, كەشە, 19 مامىر كۇنى يران پرەزيدەنتى مىنگەن تىكۇشاق اپاتقا ۇشىرادى.
يران ۆيتسە-پرەزيدەنتى موحسەن مانسۋري يبراحيم رايسي مىنگەن تىكۇشاق اپاتتى جاعدايدا قونعاننان كەيىن قاسىنداعى ەكى ادام بىرنەشە رەت بايلانىسقا شىققانىن ايتتى.
رايسي شىعىس ازەربايجان پروۆينتسياسىنا بەت العان ەدى. مەملەكەتتىك تەلەديدار بۇل وقيعا يراننىڭ استاناسى تەگەراننان سولتۇستىك-باتىسقا قاراي 600 شاقىرىم جەردە, ازەربايجان شەكاراسىندا ورنالاسقان دجۋلفا قالاسىنىڭ ماڭىندا بولعانىن حابارلادى.
تۇركيا مەملەكەتى وقيعا ورنىنا 32 الپينيست پەن تىكۇشاق جىبەردى.
ەۋروپالىق كەڭەس توراعاسى شارل ميشەل بۇل وقيعاعا قاتىستى مالىمدەمە جاسادى.
ء«بىز يران پرەزيدەنتى مەن سىرتقى ىستەر ءمينيسترى مىنگەن تىكۇشاقتىڭ كۇتپەگەن جەردەن قونۋعا ءماجبۇر بولعان وقيعانى باقىلاپ وتىرمىز. ولاردىڭ جاعدايى ءالى بەلگىسىز», دەپ جازدى شارل ميشەل X الەۋمەتتىك جەلىسىندە.
سونداي-اق رەسەي پرەزيدەنتى ۆلاديمير پۋتين اپاتتى جاعدايدا قونعان تىكۇشاقتى ىزدەۋگە كومەكتەسۋ ماقساتىندا وقيعا ورنىنا 50 قۇتقارۋشىنى, ەكى ۇشاق پەن ءبىر تىكۇشاق جىبەردى.
