Lada.kz جازعانداي, جەلىدە 18-ىنەن 19 مامىرعا قاراعان ءتۇنى بولعان اپاتتىڭ سالدارى بەينەلەنگەن كادرلار پايدا بولدى.
كۋاگەرلەردىڭ ايتۋىنشا, Toyota Land Cruiser Prado جۇرگىزۋشىسى 20-شى شاعىناۋداننان كەلە جاتىپ, قارسى جولاقتاعى كولىكپەن سوقتىعىسقان. كەيىن جول اپاتىنا سەبەپ بولعان جۇرگىزۋشى كولىگىن جۇرگىزىپ كەتە بەرگەن.
اراعا كوپ ۋاقىت سالماي ول 12-ءشى شاعىناۋدانداعى "جاس قانات" سپورت كەشەنىنىڭ ماڭىندا Kia كولىگىنە سوقتىعىسقان. بۇل كولىكتە بالالارى بار وتباسى وتىرعان. جول تالعامايتىن كولىك يەسىنىڭ ماس بولعانى ايتىلادى.
وبلىستىق پوليتسيا دەپارتامەنتى وقيعا كەزىندە Toyota Land Cruiser Prado جۇرگىزۋشىسى ماس بولعانىن راستادى. ول اكىمشىلىك جاۋاپكەرشىلىككە تارتىلدى. كولىك ايىپتۇراققا قويىلدى.
ماڭعىستاۋ وبلىستىق جەدەل مەديتسينالىق جاردەم ستانتسياسى دارىگەرلەرگە قوڭىراۋ 23:05-تە تۇسكەنىن حابارلادى. ءبىر ادام زارداپ شەكتى, بىراق ول اۋرۋحاناعا جاتقىزۋدان باس تارتتى.
