فوتو: اقمولا وبلىسى ءىىد
اقمولا وبلىستىق ءىىد ءباسپاسوز قىزمەتىنىڭ حابارلاۋىنشا, جول-كولىك وقيعاسى الماتى-ەكاتەرينبۋرگ تاسجولىنىڭ 1347-شاقىرىمىندا تۇرگەن اۋىلىنىڭ ماڭىندا بولعان.
«Chevrolet Cobalt كولىگىنىڭ 33 جاستاعى جۇرگىزۋشىسى ءرۋلدى باسقارا الماي, شۇڭقىرعا اۋدارىلىپ كەتكەن. وقيعا سالدارىنان ەكى جولاۋشى العان جاراقاتتارىنان اۋداندىق اۋرۋحانادا كوز جۇمدى. جۇرگىزۋشى مەن قالعان ەكى جولاۋشى ءارتۇرلى دارەجەدە جاراقات الدى. قازىر ساراپتاما تاعايىندالىپ جاتىر», دەپ اتاپ ءوتتى پوليتسيا دەپارتامەنتى.
وبلىستىق پوليتسيا قىلمىستىق ءىس قوزعادى. جالپى باسقارمانىڭ مالىمەتىنشە, جىل باسىنان بەرى وبلىستا 15 كولىك اۋدارىلعان. ءۇش ادام قازا تاۋىپ, 16 ادام ءتۇرلى دارەجەدەگى جاراقاتتار الدى.
پوليتسەيلەردىڭ ايتۋىنشا, مۇنداي اپاتتاردىڭ بىرنەشە سەبەبى بار. ولاردىڭ ءبىرى − اۋا رايىنىڭ قولايسىزدىعى. سونداي-اق جۇرگىزۋشىلەردىڭ رۋلدە ۇيىقتاپ قالۋى ءجيى كەزدەسەدى.
قىرمىزى جۇماعاليقىزى,
ەۇۋ ستۋدەنتى
