فوتو: روسكوسموس
«2022 جىلعى 2 جەلتوقسانداعى «بايقوڭىر» كەشەنى بويىنشا ۇكىمەتارالىق كوميسسيانىڭ 8-ءشى وتىرىسىنىڭ حاتتاماسىن ورىنداۋ اياسىندا رەسەيلىك تاراپ جالعا الۋشىلار تىزىمىنەن شىعارۋعا ۇسىنىلعان 234 نىساننىڭ ءتىزىمىن ۇسىندى. ولاردىڭ نەگىزىندە 300-گە جۋىق جاڭا جۇمىس ورنىن اشۋ ارقىلى ءوندىرىستى ۇيىمداستىرۋ جوسپارلانۋدا», دەدى و.بەكتەنوۆ.
پرەمەر-مينيستر ۇكىمەتتىڭ 2023 جىلعى 28 ناۋرىزداعى قاۋلىسىمەن عارىش سالاسىن دامىتۋدىڭ 2023 – 2029 جىلدارعا ارنالعان تۇجىرىمداماسى بەكىتىلگەنىن, وندا بەلگىلەنگەن تەحنولوگيالىق بازانىڭ تيىمدىلىگىن ارتتىرۋ, ءوزىن-ءوزى باسقارۋ جۇيەسىن قالىپتاستىرۋ سياقتى نەگىزگى تاسىلدەر قاراستىرىلعانىن اتاپ ءوتتى.
سالانى دامىتۋدىڭ ستراتەگيالىق مىندەتتەرىن اەروعارىش كوميتەتى جۇزەگە اسىرادى, وعان رەتتەۋ, ىسكە اسىرۋ جانە باقىلاۋ بويىنشا قاجەتتى فۋنكتسيالار بەرىلگەن. عارىش سالاسىن دامىتۋ بويىنشا جۇمىستىڭ نەگىزگى باعىتى – مەملەكەتتىك تاپسىرىستار ەسەبىنەن رەسپۋبليكالىق بيۋدجەتتەن قارجىلاندىرىلاتىن ەلەۋلى جانە كاپيتالدى قاجەت ەتەتىن جوبالاردى جۇزەگە اسىرۋ.
«عارىش سالاسىن قارجىلاندىرۋدىڭ جاڭا ءتاسىلى رەتىندە ينۆەستيتسيالىق قور اشۋ مۇمكىندىگى تالقىلانىپ جاتىر. الايدا بۇل ماسەلە ەگجەي-تەگجەيلى زەرتتەۋدى قاجەت ەتەدى», دەپ قوستى ولجاس بەكتەنوۆ.
قىرمىزى جۇماعاليقىزى,
ەۇۋ ستۋدەنتى
