فوتو: azattyq-ruhy.kz
«ونىڭ قۇرعان قىلمىستىق توبى 2020 جىلى ماڭعىستاۋ وبلىسىندا «Plus Capital» قارجى پيراميداسىن ۇيىمداستىرىپ, 600-دەن استام سالىمشىنىڭ جالپى سوماسى 3 ملرد تەڭگەدەن استام اقشالاي قاراجاتىن, جىلجىمالى جانە جىلجىمايتىن م ۇلىكتەرىن زاڭسىز يەمدەنگەن. قىلمىستىق توپ مۇشەلەرىنىڭ ءبىر بولىگى ءتۇرلى جازا تۇرلەرىنە سوتتالدى, ال كۇدىكتى قىلمىس جاساعاننان كەيىن جاسىرىنعان, سوعان بايلانىستى حالىقارالىق ىزدەستىرۋگە جاريالاندى», دەلىنگەن حابارلامادا.
ايتا كەتەيىك, 2023 جىلعى قاراشادا ول گرۋزيا اۋماعىندا ۇستالدى. قازىرگى ۋاقىتتا كۇدىكتى اقتاۋ قالاسىنداعى ۋاقىتشا ۇستاۋ يزولياتورىنا قامالدى.
باس پروكۋراتۋرانىڭ حابارلاۋىنشا, وسى قىلمىستى جاساعانى ءۇشىن ونىڭ مۇلكى تاركىلەنىپ, بەلگىلى ءبىر لاۋازىمداردى اتقارۋ قۇقىعىنان ءومىر بويىنا ايىرا وتىرىپ, 7 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا قاراستىرىلعان.
