الماتى وبلىسىنىڭ 24 جاستاعى تۇرعىنى ءتورت توناۋ ارەكەتىنە جانە ءۇش كولىك ۇرلىعىنا قاتىسى بار بولىپ شىقتى.
قالانىڭ كريمينالدىق پوليتسياسى مالىمەتىنشە, كۇدىكتى مەشىتتەردە ۇيالى تەلەفونداردى جاسىرىن تۇردە الىپ جۇرسە, قالانىڭ تومەنگى بولىگىندە بوتەن ادامداردىڭ كولىكتەرىن ۇرلاعان.
- قاسكوي الماتى ماڭىنداعى كومپيۋتەرلىك كلۋبتاردىڭ بىرىندە ۇستالدى. ول ۇرلاعان كولىكتەر تابىلدى جانە يەلەرىنە قايتارىلدى. سوتالدى تەرگەۋدىڭ وسى ساتىسىندا كۇدىكتىنىڭ جەتى قىلمىسقا قاتىسى بارى بەلگىلى بولدى. سونداي-اق, كۇدىكتىنىڭ وسىعان ۇقساس زاڭسىز ارەكەتتەرگە قاتىسى بار-جوعى تەكسەرىلىپ جاتىر, - دەدى الماتى قالالىق پد كريمينالدىق پوليتسيا باسقارماسىنىڭ باستىعى, پوليتسيا پولكوۆنيگى ماقسات قاناپياەۆ.
