فوتو: elorda.info
«مەملەكەتتەرىمىزدىڭ پرەزيدەنتتەرىنىڭ كۇش-جىگەرى مەن دايەكتى قادامدارىنىڭ ارقاسىندا ورتالىق ازيا ينتەگراتسياسى جاڭا دەڭگەيگە كوتەرىلىپ كەلەدى. بۇل ەلدەرىمىز اراسىندا قالىپتاسقان سەنىم مەن كوپعاسىرلىق دوستىق پەن تاتۋ كورشىلىك بايلانىستارىن نىعايتۋعا دەگەن ۇمتىلىستى كورسەتەدى. ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى ءبىزدىڭ قارىم-قاتىناسىمىزدى تەرەڭدەتۋدە شەشۋشى ءرول اتقارادى. ءوزارا ءىس-قيمىلدىڭ بۇل فورماتى ساۋدا, ونەركاسىپتىك كووپەراتسيا, ەنەرگەتيكا, كولىك جانە لوگيستيكا سالالارىنداعى جان-جاقتى ىنتىماقتاستىقتى دامىتۋعا ايتارلىقتاي سەرپىن بەردى», دەدى كەزدەسۋ بارىسىندا قازاقستان رەسپۋبليكاسى قاۋىپسىزدىك كەڭەسىنىڭ حاتشىسى عيزات نۇرداۋلەتوۆ.
ول تامىز ايىندا استانادا وتەتىن VI سامميتكە دايىندىق قىزۋ ءجۇرىپ جاتقانىن قوسا ايتتى.
«گەوساياسي جانە گەوەكونوميكالىق تۋربۋلەنتتىلىك ايماعىمىزداعى قاۋىپسىزدىك جاعدايىنا كەرى اسەر ەتەدى. قازاقستان پرەزيدەنتى قاسىم-جومارت توقاەۆ بۇگىن بىزبەن كەزدەسۋ وتكىزىپ, ورتالىق ازيا ەلدەرى قاۋىپسىزدىك كەڭەستەرىنىڭ حاتشىلارى دەڭگەيىندەگى كەزدەسۋلەر سىرتقى جانە ىشكى قاۋىپ-قاتەرلەرگە قارسى تۇرۋ بويىنشا كۇش-جىگەردى بىرىكتىرۋ الاڭىنا اينالۋعا ارنالعانىن ايتتى. سونداي-اق ءبىزدىڭ ءوزارا ءىس-قيمىل فورماتىمىز ساياسي جانە ساۋدا-ەكونوميكالىق ىنتىماقتاستىقتى دامىتۋدىڭ وڭ ديناميكاسىن نىعايتۋعا كومەكتەسەدى دەپ ۇمىتتەنەمىز», دەدى سپيكەر.
قر قاۋىپسىزدىك كەڭەسىنىڭ حاتشىسى وسى مۇمكىندىكتى پايدالانا وتىرىپ, قازاقستان رەسپۋبليكاسىنداعى سۋ تاسقىنىنا بايلانىستى كورسەتكەن باۋىرلاستىق ىنتىماعى مەن گۋمانيتارلىق كومەگى ءۇشىن ورتالىق ازيا ەلدەرىنە شىن جۇرەكتەن العىس ايتتى.
ء«بىز باستاپقى كەزەڭدە ءۇش تارماققا جۇمىلىپ, ولاردى جۇزەگە اسىرۋ ءۇشىن دايەكتى تۇردە ىلگەرىلەۋگە ۋاعدالاستىق. ءبىرىنشى – سۋ-ەنەرگەتيكالىق قاۋىپسىزدىگى, ەكىنشى – ازىق-ت ۇلىك قاۋىپسىزدىگى, ءۇشىنشى – ورتالىق ازيا ەلدەرىنىڭ قاۋىپسىزدىگى مەن كولىك-لوگيستيكالىق الەۋەتتى دامىتۋ», دەدى ول.
