فوتو: dauletten.kz
وڭىردە بولعان سۋ تاسقىنى كەزىندە ورال قالاسى مەن بىرنەشە اۋدانداعى ەلدى مەكەندەر, تۇرعىن ۇيلەر مەن الەۋمەتتىك نىساندار زارداپ شەككەن ەدى. بۇگىندە ورال قالاسى, قاراتوبە, سىرىم, بايتەرەك, ءبورلى جانە تەرەكتى اۋداندارىندا تۇرعىندارعا تيگەن شىعىندى وتەۋ ءۇشىن كوميسسيا جۇمىس ىستەپ, مۇمكىن بولاتىن جەرلەردە تەحنيكالىق تەكسەرۋلەر وتكىزىپ جاتىر.
«توتەنشە جاعداي سالدارىنان وبلىستا 1 497 تۇرعىن ۇيگە زيان كەلدى, 456 تۇرعىن ءۇي ءارى قاراي تۇرۋعا جارامسىز دەپ تانىلدى. ياعني قاراتوبە اۋدانىندا – 90, سىرىمدا – 114, تەرەكتىدە – 116, بايتەرەك اۋدانىندا – 9, ءبورلى اۋدانىندا 127 ءۇي تۇرۋعا جارامسىز. ولار جاڭادان سالىنادى نەمەسە باسقا ءۇي ساتىپ الىنادى», دەدى تىلەپبەرگەن ەرساي ۇلى.
وبلىس اكىمى ورىنباسارىنىڭ ايتۋىنشا, كۇنى بۇگىن جوعارىدا اتالعان اۋدانداردا جارامسىز دەپ تانىلعان تۇرعىن ۇيلەردى قالپىنا كەلتىرۋ جۇمىسى باستالىپ كەتكەن. اتاپ ايتقاندا, سالىناتىن جاڭا تۇرعىن ۇيلەردىڭ جەر ۋچاسكەلەرى انىقتالىپ, ەسكى ورىندارى بۇزىلىپ, جەر جۇمىستارى جۇرگىزىلىپ جاتىر. قۇرىلىستى جۇرگىزۋگە نەگىزىنەن جەرگىلىكتى كومپانيالار تاڭدالعان, كوپ جەردە قۇرىلىس جۇمىسى باستالعان. سۋ دەڭگەيى ءالى تۇسە قويماعان جەرلەردە عيماراتتارعا تەحنيكالىق باعالاۋ كەيىنگە قالا تۇراتىنى تۇسىنىكتى عوي. سوندىقتان جوعارىداعى ساندارعا ءالى دە وزگەرىس ەنۋى مۇمكىن. ازىرگە 386 تۇرعىن ءۇي جاڭادان سالىنىپ, 70 ءۇي ساتىپ الىناتىنى حابارلاندى. سونداي-اق سۋ باسقان 1 010 ءۇي تۇرۋعا جارامدى دەپ ەسەپتەلىپ, ولارعا جوندەۋ جاسالاتىن بولدى.
سۋ تاسقىنىنان زارداپ شەككەندەرگە مەملەكەت تاراپىنان 100 ايلىق ەسەپتىك كورسەتكىش – 369,2 مىڭ تەڭگە مولشەرىندە بىرجولعى الەۋمەتتىك كومەك تولەنىپ جاتقانى بەلگىلى. وڭىردە وسىنداي كومەك سۇراعان 9 812 ءوتىنىش تۇسكەن. قازىرگى تاڭدا 6 679 وتباسى 2,4 ملرد تەڭگە الەۋمەتتىك كومەك الىپ ۇلگەرگەن.
باتىس قازاقستان وبلىسىندا سۋ تاسقىنى سالدارىنان 2 342 باس مال شىعىنى بولعان ەدى. ونىڭ شىعىنى 187,5 ملن تەڭگە دەپ ەسەپتەلىپ, وبلىستىق بيۋدجەتتىڭ رەزەرۆىنەن اتالعان قارجى ءبولىنىپ تۇر. قازىردىڭ وزىندە 141 ادامنىڭ ءوتىنىشى قاناعاتتاندىرىلىپ, تۇرعىندارعا سۋعا كەتىپ ولگەن 1 000 باس مال ءۇشىن 126,9 ملن تەڭگە وتەماقى بەرىلدى.
بيىلعى سۋ تاسقىنىنان قاتتى زارداپ شەككەن ايماقتىڭ ءبىرى – قالا ماڭىنداعى ساياجاي قاۋىمداستىقتارى. وزەن جايىلماسىندا ورنالاسقاندىقتان, ساياجاي ءاۋ باستان ۋاقىتشا پايدالانىلاتىن قونىس بولىپ سانالادى. بىراق مەملەكەت ساياجايداعى ءۇيى جالعىز باسپاناسى بولعان تۇرعىندارعا كومەك قولىن سوزدى. سونىڭ مىسالى, باتىس قازاقستان وبلىسىندا سۋعا كەتكەن 8 732 ساياجاي ءۇيىنىڭ ىشىندە 2 579 تۇرعىنعا پاتەر بەرىلەتىنى حابارلانىپ جاتىر. ساياجايلاردىڭ كوپ بولىگى ءالى سۋ ىشىندە تۇرعاندىقتان, بۇل سان وزگەرۋى مۇمكىن.
«تابيعات اپاتى كەزىندە تۇرعىنداردىڭ باسپاناسى عانا ەمەس, ماتەريالدىق م ۇلىكتەرى دە ءبۇلىندى. ارنايى كوميسسيانىڭ شەشىمىمەن ماتەريالدىق مۇلىكتى وتەۋدىڭ جوعارعى شەكتى قۇنى 150 اەك بولىپ بەلگىلەندى. بۇل – 553,8 مىڭ تەڭگە. كۇنى بۇگىن ماتەريالدىق م ۇلىكتى وتەۋ بويىنشا حالىقتان 11 909 ءوتىنىش ءتۇستى, قازىر ءتيىستى باعالاۋ جۇمىسى جۇرگىزىلىپ جاتىر», دەدى ت.قايىپوۆ.
وسىنداي شىعىندى باعالاۋ, ەسەپتەۋ ءىسى شاعىن جانە ورتا بيزنەس نىساندارىندا دا ءجۇرىپ جاتىر. ارنايى كوميسسيا كاسىپكەرلەرگە كەلتىرىلگەن م ۇلىكتىك نۇقساندى ەسەپتەپ, ناقتى شەشىمىن ايتادى. ايتپاقشى, سۋ تاسقىنىنان زارداپ شەككەن جانداردىڭ ءتۇرلى نەسيە بويىنشا تولەمدەرى 2024 جىلعى 1 ءساۋىر مەن 30 ماۋسىم ارالىعىندا 3 اي مەرزىمگە كەيىنگە قالدىرىلدى. سۋ تاسقىنى سالدارىنان ولار ءتيىستى تولەمدەرىن كەشىكتىرىپ السا, ايىپپۇل مەن ءوسىمپۇل ەسەپتەلمەيدى.
قارجى نارىعىن رەتتەۋ جانە دامىتۋ اگەنتتىگى حابارلاعانداي, كۇنى بۇگىن تاسقىننان زارداپ شەككەن 7 مىڭنان اسا ازاماتتىڭ قارىزىن تولەۋ مەرزىمىن كەيىنگە شەگەرۋ بويىنشا شارا قابىلدانعان ەكەن. وسىنىڭ 4 مىڭعا جۋىعى – ساياجاي تۇرعىندارى.
باتىس قازاقستان وبلىسى
