فوتو: miro.medium.com
«ول «Metropolitan Manageres Corp» (BVI) وففشورلىق كومپانياسىنىڭ نومينالدى وكىلى, «بەلوۆود كراحمال كومبيناتى» جاق باسقارما توراعاسى جانە «مايس اگرو» جشس مامانى رەتىندە بانكتىڭ 300 ملن تەڭگەدەن استام سوماعا اقشا قاراجاتىن جىمقىرعان», دەپ ناقتىلادى قر سىبايلاس جەمقورلىققا قارسى ءىس-قيمىل اگەنتتىگى.
كۇدىكتىنىڭ جاقىن تۋىستارىمەن جانە ادۆوكاتىمەن ءتۇسىندىرۋ جۇمىستارى جۇرگىزىلىپ, ناتيجەسىندە بوگدانوۆ قازاقستانعا ورالۋعا جانە تەرگەۋگە جاردەمدەسۋگە نيەت ءبىلدىردى.
«2024 جىلدىڭ 15 مامىرىندا قر ءىىم ينتەرپولىنىڭ كومەگىمەن بوگدانوۆ بريۋسسەل قالاسىنان (بەلگيا) الماتى قالاسىنا باردى. كۇدىكتىنىڭ ەرىكتى تۇردە ورالۋىن, كىناسىن تولىق مويىنداۋىن جانە تەرگەۋمەن ىنتىماقتاستىعىن ەسكەرە وتىرىپ, بوگدانوۆقا قاتىستى بۇرىن سايلانعان قاماۋدا ۇستاۋ تۇرىندەگى بۇلتارتپاۋ شاراسى كەپىلگە وزگەرتىلدى. قازىرگى ۋاقىتتا كۇدىكتىنىڭ قاتىسۋىمەن تەرگەۋ ارەكەتتەرى جۇرگىزىلىپ جاتىر. سوتقا دەيىنگى تەرگەۋ جالعاسىپ جاتىر», دەپ حابارلادى اگەنتتىكتىڭ ءباسپاسوز قىزمەتى.
ايتا كەتەيىك, سىبايلاس جەمقورلىققا قارسى قىزمەتتىڭ باسشىلىعىمەن ۆەدومستۆوارالىق جەدەل-تەرگەۋ توبى «بتا بانكى» اق بۇرىنعى توپ-مەنەدجمەنتىنە قاتىستى ۇيىمداسقان قىلمىستىق قوعامداستىق قۇرامىندا جاسالعان اقشانى, ونىڭ ىشىندە شەتەلدە جىمقىرۋ جانە جىلىستاتۋ فاكتىلەرى بويىنشا قىلمىستىق ءىستى تەرگەۋدى جالعاستىرىپ جاتىر.
