فوتو: سكرين. كتك.
بۇل تۋرالى fontanka.ru سايتىندا حابارلانعان ەكەن.
قازاقستان تۋماسى اۋىز سۋ جەتكىزەتىن كومپانيادا جۇمىس ىستەيدى, اپات بولعان كۇنى كوپىرمەن قىزمەتتىك ماشينامەن ءجۇرىپ وتكەن.
«كولىكتەگى سۇيرەۋ ارقانىن الىپ, ارقاندى كوپىرگە بايلاپ الدىم. ءبىز كەزەكپەن تومەن ءتۇسىپ, اۆتوبۋس ماڭىنا قاراي جۇزە باستادىق, ليۋكتەگىلەردى الىپ شىعۋعا تىرىستىق», دەيدى ەرحان احانوۆ.
سانكت-پەتەربۋرگ وڭىرلىك ماراپاتى – «قۇتقارۋداعى ەرلىگى ءۇشىن» بەلگىسىن جانە ساعات سىيلىعىن گۋبەرناتور الەكساندر بەگلوۆ 15 قالا تۇرعىنىنا تابىستادى.
ktk.kz حابارلاۋىنشا, 25 جاستاعى ەرحان احانوۆ شاحتينسك قالاسىندا دۇنيەگە كەلگەن. قارشادايىنان سپورتپەن شۇعىلدانعان, جاسوسپىرىمدەر اراسىندا بوكستان قازاقستان چەمپيونى. اسكەردەن كەيىن سانكت-پەتەربۋرگكە كەتىپ, اتالعان قالادا وتباسىن قۇرعان, جۇمىس ىستەيدى, جۋىردا ۋنيۆەرسيتەتكە تۇسكەن. ونىڭ اناسى, اكەسى جانە اپكەسى قازاقستان پوليتسياسىندا قىزمەت ەتەدى.
10 مامىردا كۇندىز سانكت-پەتەربۋرگتە اۆتوبۋس بىرنەشە اۆتوكولىكپەن سوقتىعىسىپ, سودان كەيىن كوپىردەن قۇلاپ كەتكەن. سالوندا 20 ادام بولعان. اتالعان فاكتى بويىنشا رف قك-ءنىڭ 264-بابى, 5-بولىگى – «ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جقە بۇزۋ» بويىنشا قىلمىستىق ءىس قوزعالدى. 7 ادام قازا تاپقان.
