اتىراۋ قالالىق سوتىنىڭ جاڭا توراعاسى تاعايىندالدى

استانا. 12 قاڭتار. اتىراۋ وبلىستىق سوتىنىڭ توراعاسى مۇحتار سماعۇلوۆ اتىراۋ قالالىق سوتىنىڭ جاڭا توراعاسى ەرمانوۆ المات نۇرمۇرات ۇلىن وبلىس, قالا اكىمدىگى, قۇقىق قورعاۋ ورگاندارى باسشىلارى مەن سۋديالار كورپۋسىنا تانىستىردى. بۇل تۋرالى اتىراۋ وبلىستىق سوتىنىڭ ءباسپاسوز قىزمەتى. ا.ەرمانوۆ اتىراۋ قالالىق سوتىنىڭ توراعالىعىنا پرەزيدەنتتىڭ «قازاقستان رەسپۋبليكاسى سوتتارىنىڭ توراعالارى مەن سۋديالارىن جەرگىلىكتى جانە باسقا دا سوتتارعا قىزمەتكە تاعايىنداۋ جانە قىزمەتتەن بوساتۋ تۋرالى» 24 جەلتوقسان 2014 جىلعى №983 جارلىعىمەن تاعايىندالدى. ول بۇعان دەيىن قىزىلوردا وبلىستىق سوتىنىڭ سۋدياسى بولعان. ا.ن.ەرمانوۆ 1972 جىلى قىزىلوردا وبلىسى قارماقشى اۋىلىندا تۋعان. 1977 جىلى قازاق مەملەكەتتىك زاڭ ۋنيۆەرسيتەتىن بىتىرگەن. ەڭبەك جولىن مەملەكەتتىك تەرگەۋ كوميتەتىنىڭ قىزىلوردا وبلىسى بويىنشا تەرگەۋشىسى بولىپ باستادى. 1998-2002 جىلدارى ۇقك-ءنىڭ بايقوڭىر قالاسىنداعى جەدەلوكىلى, 2000-2002 جىلدارى قىزىلوردا وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ سۋدياسى, 2002-2008 جىلدارى قارماقشى اۋداندىق سوتىنىڭ سۋدياسى, 2008 جىلدان باستاپ جاڭا قىزمەتكە تاعايىندالعانعا دەيىن قىزىلوردا وبلىستىق سوتىنىڭ سۋدياسى بولىپ قىزمەت ەتكەن. جولدىباي بازار. دەرەك, سۋرەت: اتىراۋ وبلىستىق سوتىنىڭ ءباسپاسوز قىزمەتى.